തിരുവനന്തപുരം: തെക്കൻ കേരളത്തിൽ ശക്തമായ കാറ്റിനും (Wind) മോശം കാലാവസ്ഥയ്ക്കും സാധ്യതയുണ്ടന്നും കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. ഈ സാഹചര്യത്തില് ഈ ദിവസങ്ങളില് മുന്നറിയിപ്പുള്ള പ്രദേശങ്ങളില് മല്സ്യബന്ധനത്തിന് പോകരുതെന്ന് ജില്ലാകളക്ടര് ഡോ. നവ്ജ്യോത് ഖോസ അറിയിച്ചു.
തെക്കന് ബംഗാള് ഉള്ക്കടല്, തമിഴ്നാട് തീരം, ഗള്ഫ് ഓഫ് മാന്നാര്, കന്യാകുമാരി തീരം എന്നിവിടങ്ങളില് മണിക്കൂറില് 40 മുതല് 50 കിലോമീറ്റര് വേഗത്തിലും ചില അവസരങ്ങളില് 60 കിലോമീറ്റര് വേഗത്തിലും ശക്തമായ കാറ്റിനും മോശം കാലാവസ്ഥയ്ക്കും സാധ്യതയെന്ന് കേന്ദ്ര കാലാവസ്ഥാ വകുപ്പ് അറിയിച്ചു. അതേസമയം കേരള – കര്ണാടക – ലക്ഷദ്വീപ് തീരങ്ങളില് മത്സ്യബന്ധനത്തിന് തടസ്സമില്ലെന്നും അറിയിപ്പില് പറയുന്നു.
