ചെന്നൈ: എയര്പോര്ട്ടില് വന്നിറങ്ങിയ സ്ത്രീയുടെ ബാഗ് പരിശോധനയ്ക്കായി കസ്റ്റംസ് ഉദ്യോഗസ്ഥര്
തുറന്നപ്പോള് കണ്ട കാഴ്ച്ച ഞെട്ടിക്കുന്നത്. ബാഗില് നിറയെ പാമ്പുകള്. ചെന്നൈ വിമാനത്താവളത്തിലായിരുന്നു സംഭവം. ബാഗില് നിന്ന് 22 ഇനം പാമ്പുകളും ഒരു ഓന്തിനെയും ഉദ്യോഗസ്ഥര് പിടികൂടി. മലേഷ്യയിലെ ക്വാലാലംപൂരില് നിന്ന് എത്തിയ സ്ത്രീയാണ് എയര്പോര്ട്ടില് കസ്റ്റംസിന്റെ പിടിയിലായത്. വെള്ളിയാഴ്ച്ചയാണ് കസ്റ്റംസ് ഉദ്യോഗസ്ഥരെ ഞെട്ടിച്ച സംഭവമുണ്ടായത്.
പാമ്പുകളെ 22 കുപ്പികളിലായി ബാഗിനുള്ളില് സൂക്ഷിച്ചിരിക്കുകയായിരിന്നു. ക്വാലാലംപൂരില് നിന്നുള്ള ഫ്ളൈറ്റ് നമ്പര് എകെ13 എന്ന വിമാനത്തില് എത്തിയ സ്ത്രീയാണ് കസ്റ്റഡിയിലായത്. പരിശോധനയില് കണ്ടെത്തിയ പാമ്പുകളെയും ഓന്തിനെയും വന്യ മൃഗ സംരക്ഷണ നിയമപ്രകാരം കസ്റ്റഡിയിലെടുത്തു.
