സ്ത്രീകളെ ശല്യം ചെയ്തു; യുവാക്കളെ മരത്തിൽ കെട്ടിയിട്ട് തല്ലി നാട്ടുകാർ; പിന്നെ സംഭവിച്ചത്!!!

ചെന്നൈ: സ്ത്രീകളെ ശല്യം ചെയ്ത മൂന്ന് യുവാക്കളെ മരത്തിൽ കെട്ടിയിട്ട് തല്ലി നാട്ടുകാർ. തമിഴ്‌നാട്ടിലെ (Tamil Nadu) കൃഷ്ണഗിരി ജില്ലയിലാണ് സംഭവം. പ്രദേശവാസികളാണ് യുവാക്കൾക്ക് വിചിത്രമായ വിചാരണയും ശിക്ഷയും നടപ്പിലാക്കിയത്. തിരുപ്പത്തൂർ ജില്ലയിലെ ഗൗതം, കാർത്തിക്, വല്ലരസു എന്നിവരാണ് പിടിയിലായത്.

വിചാരണ നടത്തിയ ശേഷം യുവാക്കളെ നാട്ടുകാർ പോലീസിൽ (Tamil Nadu Police)ഏൽപ്പിച്ചു. ചരക്ക് വാഹനത്തിൽ കയറി ഗ്രാമത്തിലേക്ക് മടങ്ങുകയായിരുന്ന ഒരു കൂട്ടം സ്ത്രീകളെ ഏഴംഗ സംഘം പിന്തുടരുകയും അശ്ലീലചുവയോടെ സംസാരിക്കുകയും ചെയ്‌തെന്നാണ് ആരോപണം. ഇത് പിന്നീട് വാഹനത്തിന്റെ ഡ്രൈവറുമായി തർക്കത്തിൽ കലാശിക്കുകയായിരുന്നു.

ഇതിനുപിന്നാലെ സ്ത്രീകൾ സഞ്ചരിച്ചിരുന്ന വാഹനം സംഘം തടയുകയും ചെയ്തു. ഇതറിഞ്ഞെത്തിയ പ്രദേശവാസികൾ സംഘത്തിലെ മൂന്ന് പേരെ ഓടിച്ചിട്ട് പിടികൂടി. എന്നാൽ കൂടെയുണ്ടായിരുന്ന മറ്റുള്ളവർ ഓടി രക്ഷപ്പെട്ടു. പിടികൂടിയവരെ കെട്ടിയിട്ട് മർദ്ദിച്ചതിന് ശേഷം നാട്ടുകാർ പോലീസിൽ വിവരമറിയിക്കുകയായിരുന്നു. ഇവർ മദ്യപിച്ചിരുന്നതായും നാട്ടുകാർ പോലീസിനോട് പറഞ്ഞു.