Saturday, November 21, 2026

വനിതാ സബ് ഇൻസ്‌പെക്ടറെ ഹോട്ടൽമുറിയിൽ ബലാത്സംഗം ചെയ്‌ത്‌ കോൺസ്റ്റബിൾ; ദൃശ്യങ്ങൾ ചിത്രീകരിച്ച് ബ്ലാക്ക് മെയിൽ ചെയ്‌ത്‌ വീണ്ടും വിരവധി തവണ പീഡിപ്പിച്ചു; പ്രതി അസ്ലമിനെതിരെ കേസെടുത്ത് പോലീസ്

ഡെറാഡൂൺ: സഹപ്രവർത്തകനായ കോൺസ്റ്റബിൾ തന്നെ ഹോട്ടൽ മുറിയിൽ ബലാത്സംഗം ചെയ്തതായി വനിതാ സബ് ഇൻസ്‌പെക്ടറുടെ പരാതി. ഉത്തരാഖണ്ഡിലെ പട്ടേൽ നഗർ പോലീസ് സ്റ്റേഷനിൽ ലഭിച്ച പരാതിയുടെ അടിസ്ഥാനത്തിൽ കോൺസ്റ്റബിൾ അസ്ലമിനെതിരെ കേസെടുത്തു. അതിക്രമത്തിന് ഇരയായ വനിതാ എസ് ഐക്ക് ഡെറാഡൂണിലെ ഒരു പോലീസ് സ്റ്റേഷനിലേക്ക് സ്ഥലം മാറ്റം ലഭിച്ചിരുന്നു. ഡ്യൂട്ടി ചെയ്യേണ്ട സ്ഥലം വളരെ ദൂരെയായതിനാൽ രാത്രി തങ്ങാനായി കോൺസ്റ്റബിളായ അസ്ലാമിനോട് ഒരു ഹോട്ടൽ മുറി ബുക്ക് ചെയ്യുവാൻ ആവശ്യപ്പെട്ടിരുന്നു. മുറിയിലെത്തിയപ്പോൾ അസ്ലം വനിതാ എസ് ഐയെ ബലാത്സംഗം ചെയ്യുകയായിരുന്നു.

പോലീസ് സംഭവത്തെ ഗൗവരവത്തോടെ കാണുകയാണ്. വനിതാ പോലീസുകാരുടെ സുരക്ഷയെക്കുറിച്ച് വലിയ ആശങ്ക ഇപ്പോൾ ഉയരുകയാണ്. അസ്‌ലം സംഭവത്തിന്റെ ദൃശ്യങ്ങൾ പകർത്തിയതായും ആരോടെങ്കിലും പറഞ്ഞാൽ വീഡിയോ പുറത്തുവിടുമെന്ന് ഭീഷണിപ്പെടുത്തിയതായും പരാതിയിൽ പറയുന്നു. സംഭവം എസ് ഐയെ മാനസികമായി തളർത്തുകയും അവർ അവധിയെടുത്ത് നാട്ടിൽപ്പോകുകയും ചെയ്‌തു.

അവധികഴിഞ്ഞ് തിരിച്ചെത്തിയ തന്നെ വീഡിയോ ദൃശ്യങ്ങൾ കാട്ടി അസ്‌ലം ഭീഷണിപ്പെടുത്തിയതായും ബ്ലാക്ക് മെയിൽ ചെയ്‌ത്‌ വീണ്ടും നിരവധി തവണ ലൈംഗീകമായി പീഡിപ്പിച്ചതായും പരാതിയിൽ പറയുന്നു. ഭീഷണിയും ബ്ലാക്‌മെയ്‌ലിങും വർദ്ധിച്ചതോടെ പോലീസിൽ പരാതിപ്പെടുകയായിരുന്നു. പരാതിയുടെ അടിസ്ഥാനത്തിൽ വിശദമായ അന്വേഷണത്തിന് റൂറൽ എസ് പിയെ ചുമതലപ്പെടുത്തിയതായും ഭാരതീയ ന്യായ സംഹിതയിലെ വിവിധ വകുപ്പുകൾ അനുസരിച്ച് കേസെടുത്തതായും സീനിയർ പോലീസ് സൂപ്രണ്ട് അറിയിച്ചു

Related Articles

Latest Articles