മതപരിവര്‍ത്തനം ചെയ്ത് വിവാഹം കഴിച്ച യുവതിയെ മുത്വലാഖ് ചൊല്ലി : ഹലാലയ്ക്ക് നിർബന്ധിക്കുന്നതായി പരാതി; കേസെടുത്ത് പോലീസ്

ഭോപ്പാൽ: മധ്യപ്രദേശിൽ മതപരിവര്‍ത്തനം ചെയ്ത് വിവാഹം കഴിച്ച യുവതിയെ മുത്വലാഖ് ചൊല്ലിയ ഭർത്താവിനെതിരെ കേസ്. നര്‍സിംഗ്പൂര്‍ സ്വദേശി മുഹമ്മദ് ഫറൂഖ് ആണ് ഹിന്ദു മത വിശ്വാസിയായ യുവതിയെ മതപരിവര്‍ത്തനം ചെയ്ത് വിവാഹം കഴിച്ചത്.

ഇപ്പോൾ ഇയാൾ മൊഴി ചൊല്ലിയ ശേഷം, പുനര്‍വിവാഹത്തിന് നിര്‍ബന്ധിക്കുന്നതായാണ് യുവതി ആരോപിക്കുന്നത്. ഇതിനായി കഴിക്കുന്ന വിവാഹമാണ് ഹലാല. ഇസ്ലാമിക ആചാര പ്രകാരം മുത്വലാഖ് ചൊല്ലി ബന്ധം വേര്‍പെടുത്തിയ സ്ത്രീയെ, അതേ ആള്‍ക്ക് വീണ്ടും വിവാഹം കഴിക്കണമെങ്കില്‍ മറ്റൊരാള്‍ വിവാഹം കഴിച്ച് മൊഴി ചൊല്ലണം എന്നാണ്. ഇങ്ങനെയൊരു വിവാഹത്തിനായി, മുഹമ്മദ് നിരന്തരം ശല്യപ്പെടുത്തുകയും, ഭീഷണി മുഴക്കുകയും ചെയ്യുന്നുവെന്നാണ് കരേലി സ്വദേശിനിയായ യുവതി നല്‍കിയ പരാതി.

യുവതിയുടേത് പ്രണയ വിവാഹമായിരുന്നു.വിവാഹം കഴിക്കുമ്പോള്‍ പെണ്‍കുട്ടി ഹിന്ദുവായിരുന്നു. നേരത്തെ മതം മാറേണ്ടെന്ന് മുഹമ്മദ് ഉറപ്പ് നല്‍കിയതായി യുവതി പറയുന്നു. വിവാഹ ശേഷമാണു ഇയാളുടെയും വീട്ടുകാരുടെയും പീഡനം അസഹനീയമായതിനെ തുടര്‍ന്നാണ് താന്‍ മതം മാറിയതെന്ന് യുവതി വെളിപ്പെടുത്തി. ഇവര്‍ക്ക് രണ്ട് മക്കളും ഉണ്ട്.

മാത്രമല്ല ഇതിനു പിന്നാലെ ഇയാള്‍ സ്ത്രീധനത്തിന്റെ പേരില്‍ ഉള്‍പ്പെടെ യുവതിയെ ക്രൂരമായി പീഡിപ്പിച്ചിരുന്നു. തുടര്‍ന്ന് അടുത്തിടെയാണ് മൊഴി ചൊല്ലിയത്. ഇതിന് ശേഷം മുഹമ്മദ് യുവതിയെ വീട്ടില്‍ നിന്നും പുറത്താക്കുകയും ചെയ്തിരുന്നു.