തൃശ്ശൂര്‍ : യുവമോര്‍ച്ച നേതാവ് പെരിയമ്പലം മണികണ്ഠന്‍ വധക്കേസിലെ രണ്ടാം പ്രതി പിടിയില്‍. ചാവക്കാട് പുതിയങ്ങാടി സ്വദേശി ബുക്കാറയില്‍ കീഴ്പ്പാട്ട് നസറുള്ള തങ്ങളാണ് വടക്കേക്കാട് പോലീസിന്റെ പിടിയിലായത്. സംഭവസമയത്ത് എൻഡിഎഫ് പ്രവർത്തകനായിരുന്നു ഇയാൾ. എൻഡിഎഫ് ആണ് പിന്ന്നീട് നിരോധിത സംഘടനായ പോപ്പുലര്‍ ഫ്രണ്ടായി മാറിയത് . വടക്കേക്കാട് പോലീസ് സ്‌റ്റേഷനിലെത്തിച്ച പ്രതിയെ എന്‍ഐഎ ഉദ്യോഗസ്ഥരും ചോദ്യം ചെയ്തുവരികയാണ്.
2004 ജൂണ്‍ 12-നാണ് യുവമോർച്ച നേതാവായിരുന്ന പെരിയമ്പലം മണികണ്ഠൻ കൊല്ലപ്പെടുന്നത്. പ്രതിയായ നസറുള്ള തങ്ങൾ കേസിന്റെ വിചാരണ നടക്കവെയാണ് ഒളിവില്‍ പോയത്. യൂത്ത് കോണ്‍ഗ്രസ് നേതാവായ പുന്ന നൗഷാദിനെ കൊലപ്പെടുത്തിയ കേസിലെ 12-ാം പ്രതി കൂടിയാണ് ഇയാൾ . മണികണ്ഠന്‍ കൊലക്കേസില്‍ ഒന്നാം പ്രതിയായ ഖലീലിനെ ജീവപര്യന്തം തടവിന് കോടതി ശിക്ഷിച്ചിരുന്നു.
