ഒരു കുട്ടിക്കാല ഓര്മ്മച്ചിത്രം പങ്കുവച്ച് നടി മഞ്ജു വാരിയരുടെ സഹോദരൻ മധുവാര്യര്. ചിത്രം ഏറ്റെടുത്ത് സോഷ്യൽ മീഡിയ. കുട്ടികളായിരുന്ന മധുവിനെയും മഞ്ജുവിനെയും അച്ഛന് ഇരുകയ്യിലുമായി എടുത്തു നില്ക്കുന്ന
ബ്ലാക്ക് ആന്ഡ് വൈറ്റ് ചിത്രം ഇതിനോടകം തന്നെ വൈറൽ ആയിക്കഴിഞ്ഞു. കഴിഞ്ഞ ദിവസങ്ങളില് മഞ്ജു ആദ്യമായി അഭിനയിച്ച സിനിമയെ കുറിച്ചുള്ള വിശേഷങ്ങളും ചിത്രങ്ങളുമൊക്കെയായിരുന്നു സോഷ്യല് മീഡിയയിലൂടെ പുറത്ത് വന്നത്.
അതുപോലെ തന്നെ നടി പങ്കുവെക്കാറുള്ള ചില ചിത്രങ്ങള് അതിവേഗം തരംഗമാവാറുണ്ട്. അഭിനയിക്കാന് പോകുന്ന പുതിയ സിനിമയിലെ ചിത്രങ്ങളായിരുന്നു മഞ്ജു പോസ്റ്റ് ചെയ്യാറുള്ളത്.
എന്നാലിപ്പോള് അധികമാരും കാണാത്തൊരു ഫോട്ടോയുമായി എത്തിയിരിക്കുകയാണ് ലേഡീ സൂപ്പര്സ്റ്റാര്. മധു വാര്യര് പങ്കുവെച്ച ഈ ചിത്രം നടി ഷെയര് ചെയ്യുകയായിരുന്നു. അച്ഛന്റെ ഓര്മ്മ ദിവസത്തിലാണ് ഈ ചിത്രം പങ്കുവച്ചിരിക്കുന്നത്.
