ശ്രീനഗര്: ജമ്മു കാശ്മീരില് രണ്ടു ഭീകരരെ കൂടി സുരക്ഷാ സേന വകവരുത്തി. ശ്രീനഗറിലെ സാഡിബാള് മേഖലയിലുണ്ടായ ഏറ്റുമുട്ടലിലാണ് ഭീകരനെ വധിച്ചത്. വധിച്ച ഭീകരനെ തിരിച്ചറിഞ്ഞിട്ടില്ലെന്ന് ജമ്മു കാശ്മീര് പൊലീസ് അറിയിച്ചു. പ്രദേശത്ത് ഏറ്റുമുട്ടല് തുടര്ന്നു കൊണ്ടിരിക്കുകയാണെന്നാണ് റിപ്പോര്ട്ടുകള്.
മേഖലയില് ഭീകരരുടെ സാന്നിദ്ധ്യമുണ്ടെന്ന് രഹസ്യ വിവരം ലഭിച്ചതിനെ തുടര്ന്നാണ് സുരക്ഷാ സേന തിരച്ചില് ആരംഭിച്ചത്. കാശ്മീര് പൊലീസും സിആര്പിഎഫും ദ്രുതകര്മ്മ സേനയും സംയുക്തമായാണ് തിരച്ചില് നടത്തുന്നത്. പ്രദേശം പൂര്ണമായും സൈന്യത്തിന്റെ നിയന്ത്രണത്തിലാണെന്ന് അധികൃതര് അറിയിച്ചു. ഏറ്റുമുട്ടലിന്റെ പശ്ചാത്തലത്തില് ശ്രീനഗറിലെ മൊബൈല് ഇന്റര്നെറ്റ് സേവനങ്ങള് റദ്ദാക്കിയിരിക്കുകയാണ്.
കാശ്മീരിലെ ഷോപ്പിയാനിലും ഇന്ന് ഏറ്റുമുട്ടലുണ്ടായിരുന്നു. ഷോപ്പിയിനിലുണ്ടായ ഏറ്റുമുട്ടലില് സുരക്ഷാ സേന ഒരു ഭീകരനെ വധിക്കുകയും ചെയ്തിരുന്നു. പ്രദേശത്ത് നിന്നും നിരവധി ആയുധ ശേഖരങ്ങളും പിടിച്ചെടുത്തു.