കൊല്ലം:വിദേശത്തുനിന്നെത്തി നാട്ടില്‍ കറങ്ങി നടന്ന ഒമ്പതു പേര്‍ക്കെതിരെ കേസ്. വിദേശത്തുനിന്നെത്തിയ രണ്ടു കുടുംബങ്ങളിലെ ഒമ്പതു പേരാണ് കറങ്ങി നടന്നത്.
ഇവരോട് 14 ദിവസം വീട്ടില്‍ നിരീക്ഷണത്തിലിരിക്കാന്‍ ആരോഗ്യവകുപ്പ് നിര്‍ദേശിച്ചിരുന്നു. വീട്ടിലിരിക്കാന്‍ നിര്‍ദേശിച്ച ഉദ്യോഗസ്ഥരോട് ഇവർ മോശമായി സംസാരിക്കുകയും ചെയ്തു.
വിവിധ വകുപ്പുകള്‍ ചുമത്തിയാണ് ഇവര്‍ക്കെതിരെ കേസെടുത്തത്. തുടര്‍ന്ന് ഇവരെ വീണ്ടും വീട്ടുനിരീക്ഷണത്തിലാക്കി.
ജനത കര്‍ഫ്യൂ ആചരിക്കുന്നതിനിടയിലാണ് ഇങ്ങനെയുള്ള സംഭവങ്ങൾ. വാഹനങ്ങളൊന്നും നിരത്തിലിറങ്ങിയിട്ടില്ല. എല്ലാവരും നല്ല രീതിയിൽ സഹകരിക്കുന്നുണ്ട്. കടകമ്പോളങ്ങൾ പോലും അടഞ്ഞുകിടക്കുകയാണ്.
