മാധ്യമ പ്രവര്ത്തകര്ക്ക് ഐക്യദാര്ഡ്യം അറിയിക്കുന്ന ഫോര്ത്ത് എസ്റ്റേറ്റ് എന്ന ഗാനത്തിന്റെ ഔദ്യോഗിക റിലീസ് മന്ത്രി എം എം മണി നിര്വ്വഹിച്ചു. വരികള് രചിച്ചത് കവിയും മാധ്യമപ്രവര്ത്തകനുമായ ആന്റണി മുനിയറയാണ്. ഭരണകൂടത്തോടും, ജനങ്ങളോടുമൊപ്പം നിന്ന് കര്മ്മനിരതരായി തൊഴില് ചെയ്യുന്ന മാധ്യമ പ്രവര്ത്തകരുടെ ഇടപെടലുകളാണ് ഗാനത്തിന്റെ ഇതിവൃത്തം.
വാര്ത്തകള് പകര്ത്തിടും, നേര്വഴി തെളിച്ചിടും…എന്നാരംഭിക്കുന്ന ഗാനത്തിന് സംഗീതം നല്കിയിരിക്കുന്നത് തങ്കച്ചന് പാലയാണ്. ഹണി, രാജേഷ് അടിമാലി, മനോജ് പുത്തന്പുരയ്ക്കല്, രാഹുല് രാജ്, യോഗേഷ് ശശിധരന്, ഷമീര് ഷംസുദ്ദീന്,ടിന്റു രാജ്കുമാര്, ശ്രേയ ശ്രീകുമാര് എന്നിവര് ചേര്ന്നാണ് ഗാനം ആലപിച്ചത്. മാധ്യമപ്രവര്ത്തകരായ തങ്കച്ചന് പീറ്റര്, എംസി.ബോബന്, ദീപു വര്ഗീസ്, ഡി സുനില്കുമാര്, എന് കെ രാജന് എന്നിവരാണ് അണിയറശില്പ്പികള്.
വാര്ത്താ ലേഖകരും, എഡിറ്റര്മാരും,വീഡിയോഗ്രാഫര്മാരും, അവതാരകരും, അണിയറപ്രവര്ത്തകരും കൊവിഡ് പ്രതിരോധപ്രവര്ത്തനങ്ങള്ക്കൊപ്പം വാര്ത്തകളുടെ ലോകത്ത് സജ്ജീവമായിരുന്നു. ഇത്തരത്തില് പ്രാദേശികമാധ്യമ പ്രവര്ത്തകരുള്പ്പെടുന്ന ഒരു പറ്റമാളുകളുടെ സേവനവും ചിത്രീകരണത്തില് ഉള്പ്പെടുത്തിയിരിക്കുന്നു. കൊവിഡ് കാലത്തെ മാധ്യമപ്രവര്ത്തനം പ്രമേയമാക്കിയ സൃഷ്ടിയെന്ന സവിശേഷതയും ‘ഫോര്ത്ത് എസ്റ്റേറ്റേറ്റിനുണ്ട്. മാധ്യമ പ്രവര്ത്തകരുടെ തൊഴിലിനെ പ്രമേയമാക്കി നിര്മ്മിച്ച ഗാനത്തിന് മന്ത്രി അഭിനന്ദനം അറിയിച്ചു.
