കാളികാവ്: കഞ്ചാവ് പരിശോധന നടത്തിയ പോലീസ്‌കാർ ഞെട്ടി .അന്വേഷണത്തിനിടെ പൊലീസിന് ലഭിച്ചത് കാട്ടാനയുടെ പല്ല്. ചോക്കാട് കല്ലാമൂല വള്ളിപ്പുളയില്‍ സ്കൂട്ടറില്‍ നിന്നാണ് അനപ്പല്ല് കണ്ടെത്തിയത്. ഇതോടനുബന്ധിച്ച്‌ മമ്പാട്ട് മൂല കവളപ്പറമ്പിൽ അഷ്ക്കറലിയുടെ പേരില്‍ കാളികാവ് പൊലീസ് കേസെടുത്തു.
കാളികാവ് എസ്.ഐ സി.കെ നൗഷാദിന്റെ നേതൃത്വത്തില്‍ നടത്തിയ പരിശോധനയിലാണ് പൊലീസ് ആനപ്പല്ല് കണ്ടെടുത്തത്. തിങ്കളാഴ്ച്ച വൈകീട്ടോടെയാണ് സംഭവം.
ആനപ്പല്ല് വനം വകുപ്പിന് കൈമാറി. പരിശോധന നടന്ന് വരികയാണെന്ന് വനം വകുപ്പ് അധികൃതര്‍ അറിയിച്ചു. എസ്.സി.പി.ഒ നിയാസ് സി.പി.ഒ രാരിഷ് എന്നിവരും പരിശോധനയില്‍ പങ്കെടുത്തു.
