കോഴിക്കോട്: കോഴിക്കോട് മെഡിക്കല്‍ കോളജിലെ രണ്ട് ഹൗസ് സര്‍ജന്‍മാര്‍ക്ക് കൊവിഡ് സ്ഥിരീകരിച്ചു. ഇരുവരും ഡല്‍ഹിയില്‍ വിനോദയത്രയ്ക്ക് പോയവരാണ്. തിരികെ മടങ്ങിയത് തബ്ലീഗ് സമ്മേളനത്തില്‍ പങ്കെടുത്തവര്‍ സഞ്ചരിച്ച ട്രെയിനിലാണ്. ഇരുവരേയും പരിശോധിച്ച ആറ് മെഡിക്കല്‍ കോളജ് അധ്യാപകര്‍ ക്വാറന്റീനിലാണ്.
മംഗള എക്സ്പ്രസില്‍ നിന്ന് രോഗം പകരുന്നതായാണ് നിഗമനം. ഒമ്പത് പേര്‍ ഒരുമിച്ച് ഡല്‍ഹിക്ക് വിനോദയാത്ര പോയതായിരുന്നു. ഒമ്പത് പേരെയും സ്രവ പരിശോധനയ്ക്ക് വിധേയരാക്കിയിട്ടുണ്ട്. ഇതില്‍ രണ്ട് പേരുടെ ഫലം പോസിറ്റീവായിരിക്കുകയാണ്.
എംബിബിസ് പരീക്ഷ കഴിഞ്ഞാണ് ഇവര്‍ വിനോദയാത്രയ്ക്ക് പോയത്. ഇക്കാര്യം ഇവര്‍ കാര്യം മെഡിക്കല്‍ കോളജ് അധികൃതരെ ആദ്യം അറിയിച്ചിരുന്നില്ല. അതിനാല്‍ മെഡിക്കല്‍ വിദ്യാര്‍ത്ഥികള്‍ നിരവധി പേര്‍ തമ്മില്‍ ഇടപഴകിയിട്ടുണ്ട്. ഇവര്‍ വാടകയ്ക്ക് താമസിക്കുന്ന വീട്ടിലെ കൂടുതല്‍ മെഡിക്കല്‍ വിദ്യാര്‍ത്ഥികളുമായും ഇടപഴകിയിട്ടുണ്ട്. ഇവരുടെ സമ്പര്‍ക്ക പട്ടിക തയാറാക്കുകയാണ് അധികൃതര്‍.
