തിരുവനന്തപുരം :പ്രവാസി ക്ഷേമനിധി പെന്ഷന്കാര്ക്ക് ഒറ്റത്തവണ സഹായമായി ആയിരം രൂപ സഹായമായി അനുവദിക്കും.
കോവിഡ് ബാധിതരായ പ്രവാസി ക്ഷേമനിധി അംഗങ്ങള്ക്ക് പതിനായിരം രൂപ സഹായം അനുവദിക്കാനും തീരുമാനമായിട്ടുണ്ട്.
ഇതിനാവശ്യമായ തുക ക്ഷേമനിധി ബോര്ഡിന്റെ ഫണ്ടില് നിന്നും വിനിയോഗിക്കും.
ജനുവരി ഒന്നിന് ശേഷം തൊഴില് വിസ, കാലാവധി കഴിയാത്ത പാസ്പോര്ട്ട് എന്നിവയുമായി നാട്ടില് വരികയും ലോക്ക് ഡൗണ് കാരണം മടങ്ങിപ്പോകാന് കഴിയാതെ വരികയും ചെയ്ത പ്രവാസികള്ക്കും മാര്ച്ച് 26ന് ശേഷം നാട്ടിലെത്തി യാത്രാവിലക്ക് നീങ്ങും വരെ നാട്ടില് കഴിയേണ്ടി വരികയും ചെയ്യുന്ന പ്രവാസികള്ക്കും 5000 രൂപ സഹായമായി നല്കും.
സാന്ത്വന പട്ടികയില് കോവിഡ് 19 കൂടെ ഉള്പ്പെടുത്തുകയും ക്ഷേമനിധി സഹായം ലഭിക്കാത്ത പ്രവാസികള്ക്ക് 10000 രൂപ അടിയന്തര സഹായമായി നല്കുമെന്നും നോര്ക്ക അറിയിച്ചു.