കുവൈറ്റ് സിറ്റി : പ്രധാനമന്ത്രി നരേന്ദ്രമോദിയുടെ വീഡിയോ ഷെയർ ചെയ്തതിന്റെ പേരില്‍ അക്രമത്തിന് ഇരയായ പ്രവീൺ അക്രമികളുടെ പേരുകൾ വെളിപ്പെടുത്തി. കേന്ദ്രവിദേശകാര്യമന്ത്രി വി. മുരളീധരന് അയച്ച പരാതിയിലാണ് മര്‍ദ്ദിച്ചവരുടെ പേരുവിവരങ്ങള്‍ വെളിപ്പെടുത്തിയിരിക്കുന്നത്. കാസര്‍ഗോഡ് ചുള്ളിക്കര സ്വദേശി അസി , കൊല്ലം അഞ്ചല്‍ തടിക്കാട് സ്വദേശി അനീഷ്, അഷ്‌കര്‍ , ഹനീഫ , ഷനോദ് തുടങ്ങിയവരാണ് ആക്രമിച്ചതെന്ന് പ്രവീണ്‍ പരാതിയില്‍ പറഞ്ഞു.
സൈബര്‍ ആക്രമണം മൂലം മാനസികമോപദ്രവം കാരണം ശാരീരികമായും തകര്‍ന്ന അവസ്ഥയിലാണെന്നും ആത്മഹത്യയുടെ വക്കിലാണെന്നും വി. മുരളീധരന് അയച്ച പരാതിയില്‍ വ്യക്തമാക്കുന്നു.
കുവൈത്തില്‍ ഡ്രൈവറായി ജോലി ചെയ്യുന്ന പ്രവീൺ പ്രധാനമന്ത്രി നരേന്ദ്ര മോദി ഒമാനില്‍ എത്തിയ വീഡിയോയാണ് ഷെയർ ചെയ്തത്. തുടർന്ന് ജിഹാദികള്‍ അടങ്ങിയ ഒരു വാട്ട്സ്ആപ്പ് ഗ്രൂപ്പിന്റെ ആഹ്വാന പ്രകാരം ഇവര്‍ പ്രവീണിനെ തൊഴിലാളി ക്യാമ്പില്‍ കയറി തല്ലുകയായിരുന്നു. കാഞ്ഞങ്ങാട് ചുള്ളിക്കാരന്‍ അസിയാണ് പ്രവീണിനെ ലേബര്‍ ക്യാമ്പില്‍ കയറി തല്ലിയത്. ഈ വീഡിയോ ഷൂട്ട് ചെയ്തത് കൊല്ലം അഞ്ചല്‍ സ്വദേശിയായ അനീഷ് തടിക്കാട് എന്ന സിപിഎമ്മുകാരനാണ്. പോസ്റ്റ് ഷെയര്‍ ചെയ്തതിന്റെ പേരില്‍ മാപ്പ് പറയിക്കുകയും തുടർന്ന് പോസ്റ്റ് ഡിലീറ്റ് ചെയ്യിക്കുകയും ചെയ്തു.തുടർന്നാണ് ഇവര്‍ ക്രൂരമായി മര്‍ദ്ദിച്ചതെന്നും പ്രവീൺ പറഞ്ഞു. പത്തോളം പേരാണ് പ്രവീണിനെ താമസസ്ഥലത്ത് കടന്നു കയറി മര്‍ദ്ദിച്ചത്. പ്രവീൺ നൽകിയ പരാതി വി.മുരളീധരന് ഇന്ത്യന്‍ എംബസിക്ക് കൈമാറി.
ഇന്ത്യന്‍ പ്രധാനമന്ത്രിയെ അനുകൂലിക്കുന്നവരെ മര്‍ദ്ദിക്കുന്നവര്‍ക്കെതിരെ കടുത്ത ശിക്ഷ തന്നെ ഉറപ്പാക്കാനാണ് ഇന്ത്യന്‍ എംബസിയുടെ നീക്കം. ഇതിന്റെ ഭാഗമായി കുവൈറ്റ് പോലീസില്‍ പരാതി നല്‍കി ക്രിമിനലുകളെ പിടികൂടാനുള്ള ശ്രമവും ആരംഭിച്ചു.. ഇവരില്‍ രണ്ടു പേര്‍ കേരളത്തിലേക്ക് വരാന്‍ നോര്‍ക്ക റൂട്ടില്‍ രജിസ്റ്റർ ചെയ്തിട്ടുണ്ട്.ഇവര്‍ ഇന്ത്യയില്‍ എത്തിയാല്‍ പാസ്‌പോര്‍ട്ട് റദ്ദാക്കുന്നതുള്‍പ്പെടെയുള്ള നടപടികളിലേക്ക് കടക്കുമെന്നും റിപ്പോര്‍ട്ടുകളുണ്ട്.
പ്രവാസികളായ ഹിന്ദുക്കളെ തെരഞ്ഞ് പിടിച്ച് ആക്രമിക്കാന്‍ ആഹ്വാനം ചെയ്യുന്ന ജിഹാദികള്‍ അടങ്ങിയ ഒരു വാട്ട്സ്ആപ്പ് ഗ്രൂപ്പിന്റെ ഒരു ഇര മാത്രമാണ് പ്രവീണ്‍. ഇത്തരത്തിലുള്ള മറ്റു ക്രിമിനലുകളുടെ വിവരം കൂടി ലഭിച്ചാല്‍ കുവൈറ്റ് പൊലീസില്‍ പരാതി നല്‍കുമെന്ന് എന്‍ആര്‍എ സെല്‍ വ്യക്തമാക്കി.
