ബെയ്‌റൂത്ത് സ്ഫോടനം : മരണം 78 ആയി, അമോണിയം നൈട്രേറ്റ് പൊട്ടിത്തെറിച്ചെന്ന്‌ സർക്കാർ; ആക്രമണമെന്ന് ട്രംപ്

ബെയ്റൂത്ത്: ലെബനൻ തലസ്ഥാനമായ ബെയ്റൂത്തിൽ വൻ സ്ഫോടനം . ദുരന്തത്തിൽ മരണ സംഖ്യ 78 ആയി ഉയർന്നു. നാലായിരത്തില്‍ അധികം പേർക്ക് പരിക്കേറ്റു. തുറമുഖത്തിനടുത്ത് സൂക്ഷിച്ചിരുന്ന അമോണിയം നൈട്രേറ്റ് പൊട്ടിത്തെറിച്ചതാണ് സ്ഫോടനത്തിന് കാരണമായതെന്ന് സർക്കാർ വൃത്തങ്ങൾ
അറിയിച്ചു .2750 ടൺ അമോണിയം നൈട്രേറ്റാണ് പൊട്ടിത്തെറിച്ചതെന്ന് ലെബനീസ് പ്രധാനമന്ത്രിയെ ഉദ്ധരിച്ച് അന്താരാഷ്ട്ര വാർത്താ ഏജൻസി എഎഫ്പി റിപ്പോർട്ട് ചെയ്തു.

ഏകദേശം 240 കിലോമിറ്ററോളം ദൂരം സ്ഫോടന ശബ്ദം കേട്ടു. സ്‌ഫോടനത്തിൽ വൻ നാശഷ്ടമാണ് ബെയ്‌റൂത്തിൽ ഉണ്ടായിരിക്കുന്നത് . നിരവധി കെട്ടിടങ്ങൾ തകർന്നു . സ്‌ഫോടനത്തിൽ നിരവധി വാഹങ്ങൾ മൂന്ന് നില കെട്ടിടത്തിന്‍റെ ഉയരത്തിൽ എടുത്തെറിയപ്പെട്ടെന്നുവരെ ദൃക്സാക്ഷികള്‍ പറഞ്ഞു. രക്ഷാപ്രവർത്തനം പുരോഗമിക്കുകയാണ്.അതേസമയം, മതിയായ സുരക്ഷയില്ലാതെയാണ് അമോണിയം നൈട്രേറ്റ് സൂക്ഷിച്ചിരുന്നതെന്നും കുറ്റക്കാർക്കെതിരെ കർശന നടപടിയുണ്ടാകുമെന്നും ലെബനൻ സർക്കാർ വ്യക്തമാക്കി. ബെയ്റൂത്തിൽ രണ്ടാഴ്ചത്തെ അടിയന്തരാവസ്ഥ പ്രഖ്യാപിച്ചു.

അതിനിടെ , സ്ഫോ​ട​ന​ത്തി​ല്‍ ന​ടു​ക്കം രേ​ഖ​പ്പെ​ടു​ത്തി അ​മേ​രി​ക്ക. ഇ​ത് ഒരു ആ​ക്ര​മ​ണ​മാ​ണെ​ന്ന് വി​ശ്വ​സി​ക്കു​ന്ന​താ​യും വ്യ​വ​സാ​യ​മേ​ഖ​ല​യി​ലെ സ്ഫോ​ട​ന​മാ​ണെ​ന്ന വാ​ദ​ത്തി​ല്‍ ഭ​ര​ണ​ക​ര്‍​ത്താ​ക്ക​ള്‍​ക്കി​ട​യി​ല്‍ ത​ന്നെ വി​രു​ദ്ധാ​ഭി​പ്രാ​യ​മാ​ണ് കാ​ണാ​നാ​കു​ന്ന​തെ​ന്നും ട്രം​പ് ചൂ​ണ്ടി​ക്കാ​ട്ടി.

ജീ​വ​ന്‍ ന​ഷ്ട​പ്പെ​ട്ട​വ​ര്‍​ക്ക് അ​നു​ശോ​ച​നംം രേ​ഖ​പ്പെ​ടു​ത്തു​ന്നതായും സം​ഭ​വ​ത്തി​ല്‍ ഇ​ര​ക​ളാ​യ​വ​ര്‍​ക്കൊ​പ്പം ത​ങ്ങ​ളു​ടെ പ്രാ​ര്‍​ത്ഥ​ന​ക​ളു​ണ്ടാ​കു​മെ​ന്നും ട്രം​പ് വ്യ​ക്ത​മാ​ക്കി. ലെ​ബ​ന​നു​മാ​യി മി​ക​ച്ച ബ​ന്ധ​മാ​ണ് അ​മേ​രി​ക്ക​യ്ക്ക് ഉ​ള്ള​ത് . അതുകൊണ്ട് തന്നെ അ​മേ​രി​ക്ക​യു​ടെ എ​ല്ലാ​വി​ധ സ​ഹാ​യ​ങ്ങ​ളും ലെ​ബ​ന​ന് ല​ഭ്യ​മാ​ക്കു​മെ​ന്നും ട്രം​പ് കൂ​ട്ടി​ച്ചേ​ര്‍​ത്തു.