ശബരിമല: ഇടവമാസ പൂജകള്ക്കായി ശബരിമല ശ്രീ ധര്മ്മശാസ്താ ക്ഷേത്ര തിരുനട നാളെ വൈകുന്നേരം 5 ന് തുറക്കും. ക്ഷേത്രതന്ത്രി കണ്ഠരര് മഹേഷ് മോഹനരുടെ മുഖ്യകാര്മ്മികത്വത്തില് ക്ഷേത്ര മേല്ശാന്തി എ.കെ. സുധീര് നമ്പൂതിരി ക്ഷേത്ര ശ്രീകോവില് നട തുറന്ന് വിളക്കുകള് തെളിക്കും.
കൊവിഡ് 19 ന്റെ ഭാഗമായുള്ള ലോക് ഡൗണ് കണക്കിലെടുത്ത് ഈ മാസവും ഭക്തര്ക്ക് പ്രവേശനം അനുവദിക്കുകയില്ല. തിരുനട തുറക്കുന്ന 14 മുതല് അടക്കുന്ന 19 വരെ പതിവ് പൂജകള് മാത്രമെ ഉണ്ടാവുകയുള്ളൂ.
5 ദിവസങ്ങളില് നട തുറക്കുന്നതിലും അടക്കുന്നതിലും സമയക്രമീകരണം വരുത്തിയിട്ടുണ്ട്. പ്രത്യേക പൂജകളായ ഉദയാസ്തമന പൂജ, നെയ്യഭിഷേകം, കളഭാഭിഷേകം ,പുഷ്പാഭിഷേകം, പടിപൂജ എന്നിവ ഉണ്ടാവില്ല. 19 ന് രാത്രി ഹരിവരാസനം പാടി നട അടയ്ക്കും. ഭക്തര്ക്ക് ഓണ്ലൈന് വഴി വഴിപാടുകള് നടത്താന് സംവിധാനം ഒരുക്കിയിട്ടുണ്ട്.