തിരുവനന്തപുരം: സംസ്ഥാനത്ത് റോഡുകളില്‍ ശക്തമായ പൊലീസ് സന്നാഹം. ആളുകൾ ആവശ്യമില്ലാതെ യാത്ര ചെയ്താൽ കർശന നടപടി സ്വീകരിക്കും. കോവിഡ് പടരുന്ന സാഹചര്യത്തിൽ സംസ്ഥാനത്ത് പൂര്‍ണ അടച്ചുപൂട്ടല്‍ പ്രഖ്യാപിച്ച സാഹചര്യത്തിലാണ് കര്‍ശന നടപടികളുമായി പൊലീസ് എത്തിയിരിക്കുന്നത്.
ഐജിമാര്‍, ഡിഐജിമാര്‍, ജില്ലാ പൊലീസ് മേധാവികള്‍ എന്നിവരുടെ നേതൃത്വത്തില്‍ അടച്ചുപൂട്ടല്‍ നടപടികള്‍ ഏകോപിപ്പിക്കും. ചൊവ്വാഴ്ച രാവിലെ അഞ്ച് മുതല്‍ ശക്തമായ പൊലീസ് സന്നാഹം നിരത്തുകളില്‍ ഉണ്ടാകും.
ഒരു വിട്ടുവീഴ്ചയും ഇല്ലാതെ അടച്ചുപൂട്ടല്‍ നടപ്പാക്കാനാണ് നിര്‍ദ്ദേശം നല്‍കിയിരിക്കുന്നതെന്ന് സംസ്ഥാന പൊലീസ് മേധാവി ലോക്നാഥ് ബെഹ്റ വ്യക്തമാക്കി.
