തിരുവനന്തപുരം: യുറോപ്യൻ രാജ്യങ്ങളില്‍ നിന്നുള്ള വിനോദസഞ്ചാരികള്‍ കേരളത്തില്‍ നിന്ന് മടങ്ങുന്നു. തിരുവനന്തപുരം വിമാനത്താവളത്തില്‍ നിന്ന് പ്രത്യേക വിമാനത്തതിലാണ് ഇവര്‍ തിരികെ മടങ്ങുക. 232 വിദേശപൗരന്‍മാരാണ് തിരികെ പോകുന്നത്.
കേരളത്തിലെ വിവിധ സ്ഥലങ്ങളിലുള്ള വിദേശപൗരന്‍മാരെ കഴിഞ്ഞ ദിവസങ്ങളില്‍ തിരുവനന്തപുരത്ത് എത്തിച്ചിരുന്നു. കോവിഡ് 19 വൈറസ് ബാധയെ തുടര്‍ന്ന് നിരവധി വിദേശപൗരന്‍മാര്‍ കേരളത്തില്‍ കുടുങ്ങിയിരുന്നു.
അന്താരാഷ്ട്ര വിമാന സര്‍വീസുകള്‍ക്ക് ലോക്ഡൗണ്‍ തീരുന്ന ഏപ്രില്‍ 14 വരെ നിരോധനമുണ്ടെങ്കിലും കാര്‍ഗോ വിമാനങ്ങള്‍ക്കും പ്രത്യേക വിമാനത്തിനും അനുമതിയുണ്ട്. കോവിഡ് നിയന്ത്രണങ്ങളുടെ ഭാഗമായി വ്യോമഗതാഗതം തടസ്സപ്പെട്ടത് മൂലമാണ് ഇവർ ഇന്ത്യയിൽ കുടുങ്ങിയത്.
