കൽപറ്റ : വയനാട്ടിലെ ഉരുൾപ്പൊട്ടൽ ദുരിതബാധിതർക്ക് 1000 സ്ക്വയർ ഫീറ്റ് വിസ്തീർണ്ണമുള്ള ഒറ്റനില വീട് നിർമ്മിച്ചു നൽകുമെന്ന് സംസ്ഥാന സർക്കാർ. ഒരേ പ്ലാൻ പ്രകാരമുള്ള വീടുകളാകും നിർമ്മിക്കുക. ദുരന്തത്തിൽ വീട് നഷ്ടപ്പെട്ടവർക്കായിരിക്കും പ്രഥമ പരിഗണന മാറി താമസിക്കേണ്ടി വന്നവരെ രണ്ടാംഘട്ടത്തിൽ പരിഗണിക്കും. സർക്കാർ ഒരുക്കുന്ന ടൗൺഷിപ്പിപ്പിലായിരിക്കും വീടുകൾ നിർമിക്കുക.
ഇന്ന് ചേർന്ന സർവകക്ഷിയോഗത്തിലാണ് ഇത് സംബന്ധിച്ച തീരുമാനം മുഖ്യമന്ത്രി പിണറായി വിജയൻ അറിയിച്ചത്. ഭാവിയിൽ രണ്ടാം നില പണിയാൻ സാധിക്കുന്ന തരത്തിലാകും വീടുകൾ ഉയരുക.
വിലങ്ങാട്ടെ ദുരിതബാധിതർക്കും പുനരധിവാസം ഉറപ്പാക്കും. അതേസമയം ദുരന്തബാധിത മേഖലയിൽ സെപ്റ്റംബർ 2 നാണ് സ്കൂൾ പ്രവേശനോത്സവം നടക്കുക .
ദുരന്തത്തിൽ 145 വീടുകളാണ് പൂർണമായും തകർന്നത്. 240 വീടുകൾ വാസയോഗ്യമല്ലാതായി. 170 വീടുകൾ ഭാഗികമായി തകർന്നു. 40 ഹെക്ടർ കൃഷിയിടം കൃഷിക്കനുയോജ്യമല്ലാതായി
