ബംഗളൂരു: ബംഗളൂരുവിലെ എപിഎസി യാര്ഡിനു സമീപം നിര്മ്മാണത്തിലിരുന്ന ബഹുനില കെട്ടിടത്തിന്റെ ഒരു ഭാഗം തകര്ന്നു വീണ് രണ്ടു പേര് മരിച്ചു. ബീഹാര് സ്വദേശി രാഹുല് പശ്ചിമബംഗാള് സ്വദേശി രാകേഷ് എന്നിവരാണ് മരിച്ചത്.
സംഭവത്തില് എട്ടു പേര്ക്ക് പരിക്കേറ്റു. പരിക്കേറ്റവരെ സമീപത്തെ ആശുപത്രിയില് പ്രവേശിപ്പിച്ചു. ബഹുനില കെട്ടിടത്തിന്റെ കോണ്ക്രീറ്റിംഗ് ജോലികള് പുരോഗമിക്കവെ കോണ്ക്രീറ്റ് ചെയ്യുന്നതിന് സ്ഥാപിച്ചിരുന്ന തട്ട് തകര്ന്നാണ് അപകടമുണ്ടായത്. സ്ഥലത്ത് 50 ലേറെപ്പേര് ജോലിയില് ഏര്പ്പെട്ടിരുന്നുവെന്നാണ് വിവരം.