കുവൈത്ത് : രാജ്യത്തെ വാഹനങ്ങളില് അഭ്യാസപ്രകടനം നടത്തുന്നവര്ക്കെതിരെ കര്ശന നടപടിയെടുക്കാന് ട്രാഫിക് പൊലീസുകാര്ക്ക് നിര്ദേശം. ജനജീവിതത്തിന് ഭീഷണിയാകും വിധം അലക്ഷ്യമായി വാഹനമോടിക്കുന്നവരോട് വിട്ടുവീഴ്ച വേണ്ടെന്ന് ഗതാഗത വകുപ്പ് മേധാവി മേജര് ജനറല് ജമാല് അല് സായിഗ് നിര്ദേശിച്ചു.
തിരക്കേറിയ നിരത്തുകളില് പോലും വാഹനം കറക്കി ഭീതിപരത്തുന്ന പ്രവണത വ്യാപകമായ സാഹചര്യത്തിലാണ് ഗതാഗത വകുപ്പ് മേധാവിയുടെ ഇടപെടല്. വാഹനം കറക്കുന്ന വിഡിയോ ദൃശ്യങ്ങള് സമൂഹ മാധ്യമങ്ങളില് പലപ്പോഴും വൈറല് ആകാറുമുണ്ട്. ഇത്തരം വിഡിയോ ക്ലിപ്പുകള് പരിശോധിച്ച് കുറ്റക്കാരെ കണ്ടെത്തണമെന്നും മേജര് ജനറല് ജമാല് സായിഗ് ഉദ്യോഗസ്ഥര്ക്ക് നിര്ദേശം നല്കി.