കൊച്ചി: 12 ദിവസത്തെ കഠിനാധ്വാനത്തിനൊടുവിൽ ബ്രഹ്മപുരം മാലിന്യപ്ലാന്റിലുണ്ടായ തീപിടിത്തവും പുകയും ഭാഗികമായി ശമിച്ചു എന്ന് പറയാം.എങ്കിലും 48 മണിക്കൂർ കനത്ത ജാഗ്രത വേണമെന്നാണ് ജില്ലാ കളക്ടർ അറിയിച്ചത്.ഫയര് ആന്റ് റെസ്ക്യൂ, റവന്യൂ, നേവി, എയർഫോഴ്സ്, സിവിൽ ഡിഫൻസ്, പോലീസ്, ഹോംഗാർഡ്, കോര്പ്പറേഷന്, കൊച്ചിന് പോര്ട്ട് ട്രസ്റ്റ്, എല്എന്ജി ടെര്മിനല്, ബിപിസിഎല്, ആരോഗ്യം, എക്സകവേറ്റർ ഓപ്പറേറ്റർമാർ തുടങ്ങി എല്ലാവരുടെയും കൂട്ടായ അധ്വാനത്തിന്റെ ഫലമായാണ് തീയണയ്ക്കാനായത്. സ്മോള്ഡറിംഗ് ഫയര് ആയതു കൊണ്ട് ചെറിയ തീപിടിത്തങ്ങള് വരാനുള്ള സാധ്യത കണക്കിലെടുത്ത് അടുത്ത 48 മണിക്കൂര് ജാഗ്രത തുടരും.
ചെറിയ തീപിടിത്തമുണ്ടായാലും അണയ്ക്കുന്നതിന് ഫയര് ആന്ഡ് റെസ്ക്യൂ സേനാംഗങ്ങള് ക്യാംപ് ചെയ്യുന്നുണ്ട്. ഇനി തീയുണ്ടായാലും രണ്ട് മണിക്കൂറിനകം അണയ്ക്കും.പ്ലാന്റിലെ പുക മൂലം വായു മലിനീകരണമുണ്ടായ സ്ഥലങ്ങളില് നടത്തുന്ന ആരോഗ്യ സര്വേ ഇന്ന് തുടങ്ങും. ഇതിന്റെ ഭാഗമായി ആശ പ്രവര്ത്തകര്ക്ക് പരിശീലനം നല്കി. മൂന്ന് സെഷനുകളിലായി 202 ആശ പ്രവര്ത്തകര്ക്കാണ് കഴിഞ്ഞ ദിവസം പരിശീലനം നല്കിയത്. ഓരോ വീടുകളിലും കയറി ആരോഗ്യസംബന്ധമായ വിവരങ്ങള് ശേഖരിക്കും. ഓണ്ലൈന് സംവിധാനങ്ങള് ഉപയോഗിച്ചാണ് ആശ പ്രവര്ത്തകര് വിവരങ്ങള് ചേര്ക്കുക.