തിരുവനന്തപുരം: അഭിഭാഷകന്റെ വീട്ടില്‍ വൻ ലഹരി വേട്ട. തിരുവനന്തപുരം ആയുര്‍വേദ കോളേജിന് സമീപമുള്ള വീടിന്റെ പൂട്ടിയിട്ട മുറിയില്‍ നിന്നാണ് കഞ്ചാവ് പിടികൂടിയത്. വഞ്ചിയൂര്‍ കോടതിയില്‍ പ്രാക്ടീസ് ചെയ്യുന്ന അഭിഭാഷകന്റെ ഉടമസ്ഥതയിലുള്ള വീട്ടില്‍ നിന്നാണ് കഞ്ചാവ് പിടികൂടിയതെന്നാണ് എക്സൈസ് (Excise) നൽകുന്ന വിവരം.
കുറച്ച് ദിവസങ്ങള്‍ക്ക് മുമ്പ് വഞ്ചിയൂര്‍ കോടതിയുടെ പരിസരത്ത് നിന്ന് നാലുകിലോ കഞ്ചാവുമായി എക്സൈസ് സംഘം രണ്ടു പേരെ പിടികൂടിയിരുന്നത്. ഇവരില്‍ നിന്ന് ലഭിച്ച വിവരത്തിന്റെ അടിസ്ഥാനത്തില്‍ നടത്തിയ പരിശോധനയിലാണ് കഞ്ചാവ് പിടികൂടിയത്. തമിഴ്നാട്ടില്‍ നിന്ന് ഇന്ന കഞ്ചാവ് തലസ്ഥാനത്തെത്തുമെന്ന വിവരത്തിന്റെ അടിസ്ഥാനത്തില്‍ എക്സൈസ് സംഘം എത്തിയപ്പോഴേക്കും കഞ്ചാവ് കൊണ്ടുവന്ന ആള്‍ കടന്നുകളഞ്ഞു.കഞ്ചാവ് കൊണ്ടുവന്ന ആളെ എകസൈസ് തിരിച്ചറിഞ്ഞിട്ടുണ്ട്. തെക്കന്‍ മേഖല എക്സൈസ് കമ്മീഷണറുടെ നിർദേശപ്രകാരം രൂപീകരിച്ച സ്‌പെഷ്യല്‍ സ്‌ക്വാഡാണ് റെയ്ഡ് നടത്തിയത്
