ദില്ലി: കോണ്‍ഗ്രസിന്റെ സംയുക്ത പാര്‍ലമെന്ററി പാര്‍ട്ടി അധ്യക്ഷയായി സോണിയാ ഗാന്ധി തുടരും. മുന്‍ പ്രധാനമന്ത്രി ഡോ മന്‍മോഹന്‍ സിങാണ് സോണിയാ ഗാന്ധിയുടെ പേര് നിര്‍ദേശിച്ചത്.
ലോക്‌സഭാ കക്ഷി നേതാവിനെയും യോഗം ഇന്നു തിരഞ്ഞെടുക്കും. എംപിമാര്‍ രാഹുല്‍ ഗാന്ധിയുടെ പേര് നിര്‍ദേശിച്ചിട്ടുണ്ട്. എന്നാല്‍ രാഹുല്‍ സ്ഥാനം ഏറ്റെടുക്കുന്ന കാര്യത്തില്‍ തീരുമാനമായിട്ടില്ല.
2014ല്‍ നേതൃപദവി ഏറ്റെടുക്കുന്നതില്‍ നിന്നു രാഹുല്‍ ഒഴിഞ്ഞുമാറിയതിനെത്തുടര്‍ന്നു മല്ലികാര്‍ജുന്‍ ഖര്‍ഗെയെ കോണ്‍ഗ്രസ് ആ ദൗത്യം ഏല്‍പിച്ചിരുന്നു. ഇക്കുറി കര്‍ണാടകയിലെ ഗുല്‍ബര്‍ഗയില്‍ ഖര്‍ഗെ തോറ്റു. കോണ്‍ഗ്രസ് പാര്‍ലമെന്ററി പാര്‍ട്ടി(സിപിപി)യാണ് സോണിയയെ തിരഞ്ഞെടുത്തത്.നേരത്തെ ശശി തരൂർ ഈ സ്ഥാനം ഏറ്റെടുക്കാൻ തയ്യാറാണന്ന് അറിയിച്ചിരുന്നുവെങ്കിലും കോൺഗ്രസ് യോഗത്തിൽ പിന്തുണ ലഭിച്ചില്ല
