സംസ്ഥാനത്ത് സ്വ​ര്‍​ണ വി​ല​ കുറയുന്നു

കൊ​ച്ചി: സംസ്ഥാനത്ത് സ്വ​ര്‍​ണ​ വി​ല​ കുറയുന്നു. 160 രൂപയാണ് ഗ്രാ​മി​ന് കുറഞ്ഞത്. പ​വ​ന് 1,280 രൂ​പ​യും കുറഞ്ഞു.
ഇ​തോ​ടെ ഗ്രാ​മി​ന് 4,820 രൂ​പ​യും പ​വ​ന് 38,560 രൂ​പ​യു​മാ​യി. ബു​ധ​നാ​ഴ്ച സ്വ​ര്‍​ണ വി​ല രാ​വി​ലെ ഉ​യ​ര്‍​ന്ന ശേ​ഷം ഉ​ച്ച​യോ​ടെ കു​റ​ഞ്ഞി​രു​ന്നു. പ​വ​ന് 40,560 രൂ​പ​യി​ല്‍ എ​ത്തി​യ ശേ​ഷ​മാ​ണ് വി​ല കുറഞ്ഞത്.

പു​തു​വ​ര്‍​ഷ​ത്തെ ഏ​റ്റ​വും ഉ​യ​ര്‍​ന്ന നി​ര​ക്കി​ലെ​ത്തി​യ ശേ​ഷ​മാ​ണ് ബു​ധ​നാ​ഴ്ച ഉ​ച്ച​യോ​ടെ വി​ലകുറവുണ്ടായത്. ക​ഴി​ഞ്ഞ വ​ര്‍​ഷം പ​വ​ന് 42,000 രൂ​പ രേ​ഖ​പ്പെ​ടു​ത്തി​യ​താ​ണ് ആ​ഭ്യ​ന്ത​ര വി​പ​ണി​യി​ലെ റി​ക്കോ​ര്‍​ഡ് വി​ല.
അതേസമയം, അന്താരാഷ്ട്ര സ്വർണവില കഴിഞ്ഞ ദിവസം ഔൺസിന് 2069 ഡോളറിലേക്ക് ഉയർന്നിരുന്നു. ഒന്നര വർഷത്തിനിടയിലെ ഏറ്റവും ഉയർന്ന വിലയാണിത്. മുൻനിര സ്വർണ കയറ്റുമതി രാഷ്ട്രമായ റഷ്യയിൽനിന്നുള്ള ഇറക്കുമതി കുറയ്ക്കാൻ യൂറോപ്യൻ രാജ്യങ്ങൾ തീരുമാനിച്ചതാണ് സ്വർണ്ണവില ഇത്രയും ഉയരാൻ കാരണം.

യുദ്ധത്തിന്റെ പശ്ചാത്തലത്തിൽ ഓഹരി വിപണിയിൽ നിന്ന് പിന്മാറുന്ന നിക്ഷേപകർ സുരക്ഷിത നിക്ഷേപമായി സ്വർണത്തെ കാണാൻ തുടങ്ങിയതാണ് വില വർധിക്കാൻ കാരണമായത്.