Saturday, November 21, 2026

താപനില ഉയരാൻ സാധ്യത; ആറ് ജില്ലകളിൽ മൂന്നു ഡിഗ്രിവരെ ഉയരും

സംസ്ഥാനത്ത് അടുത്ത മൂന്ന് ദിവസം വരണ്ട കാലാവസ്ഥ തുടരാൻ സാധ്യത. ആറ് ജില്ലകളിൽ താപനില ഉയരാൻ സാധ്യതയുണ്ടെന്ന് കാലാവസ്ഥ വകുപ്പ് മുന്നറിയിപ്പ് നൽകി. കൊല്ലം, ആലപ്പുഴ, കോട്ടയം, തൃശൂർ, കോഴിക്കോട്, കണ്ണൂർ എന്നീ ജില്ലകളിലാണ് താപനില ഉയരുക.

മൂന്ന് ഡിഗ്രി വരെ ഉയരുമെന്നാണ് മുന്നറിയിപ്പുള്ളത്. അടുത്ത മൂന്ന് ദിവസങ്ങളിൽ ജാഗ്രത വേണമെന്ന് കാലാവസ്ഥ വകുപ്പ് അറിയിച്ചു. കഴിവതും ഉച്ച സമയങ്ങളിൽ പുറത്തിറങ്ങാതെയും സൂര്യ താപം ഏൽക്കാതെയും ഇരിക്കാൻ കാലാവസ്ഥ വകുപ്പ് അറിയിച്ചു.

Related Articles

Latest Articles