തൊടുപുഴ : കേരള കോൺഗ്രസ് ചെയർമാൻ പി.ജെ.ജോസഫിന്റെ പത്നി ഡോ.ശാന്ത ജോസഫ് (73) അന്തരിച്ചു. തൊടുപുഴ ചാഴികാട്ട് ആശുപത്രിയിൽ അർബുദ ബാധിതയായി ചികിത്സയിലായിരിക്കെയായിരുന്നു അന്ത്യം. .
ആരോഗ്യ വകുപ്പ് അഡീഷനൽ ഡയറക്ടറായാണ് സർവീസിൽ നിന്ന് ഡോ. ശാന്ത വിരമിച്ചത്. വരാപ്പുഴ പുത്തൻപള്ളി മേനാച്ചേരി കുടുംബാംഗമാണ് ശാന്ത ജോസഫ്. സംസ്കാരം 19 നു രാവിലെ 11.30 ന് വസതിയിൽ ആരംഭിച്ച് പുറപ്പുഴ സെന്റ് സെബാസ്‌റ്റ്യൻസ് പള്ളി സെമിത്തേരി കുടുംബക്കല്ലറയിൽ നടക്കും.
