മുംബൈ : സ്വവര്ഗാനുരാഗം കുറ്റകൃത്യമായി കാണുന്നത് അനീതിയാണന്ന് സുപ്രീം കോടതി ചീഫ് ജസ്റ്റിസ് ഡി.വൈ.ചന്ദ്രചൂഡ് പറഞ്ഞു. മഹാരാഷ്ട്ര നിയമ യൂണിവേഴ്സിറ്റിയിലെ ബിരുദദാന ചടങ്ങില് സംബന്ധിക്കവെയാണ് അദ്ദേഹം തന്നെ വിധി പ്രഖ്യാപിച്ച നവതേജ് സിങ് ജോഹര് കേസിലെ സംഭവങ്ങളെ മുൻ നിർത്തി സംസാരിച്ചത്.
ഇന്ത്യന് ശിക്ഷ നിയമത്തിലെ 377–ാം വകുപ്പ് കാലാനുസൃതമല്ലാത്ത നിയമമാണെന്നും ഇത് ഭരണഘടന ഒരു പൗരന് ഉറപ്പ് നൽകുന്ന സ്വകാര്യതയ്ക്കും വ്യക്തി സ്വാതന്ത്ര്യത്തിനുമെതിരാണ് എന്നും അദ്ദേഹം അഭിപ്രായപ്പെട്ടു.
സാമൂഹ്യമാദ്ധ്യമങ്ങളുടെ അതിപ്രസരണത്തിൽ സാമൂഹ്യ ജീവിയായി ജീവിക്കേണ്ട മനുഷ്യര് കൂടുതല് ഒറ്റപ്പെടുകയും തങ്ങളിലേക്ക് തന്നെ ചുരുങ്ങുകയും ചെയ്തു. സമൂഹത്തില് ജീവിക്കേണ്ടതിന്റെ ആവശ്യവും ഒരു സാമൂഹ്യ ജീവിയായിരിക്കുക എന്നതിന്റെ പൊരുളും അദ്ദേഹം യുവ അഭിഭാഷകർക്ക് പകർന്നു നൽകി.