കൊച്ചി : ലൈഫ് മിഷന് കോഴക്കേസില് മുന് സിഇഒ യു.വി.ജോസിന്റെ ഇന്നത്തെ ചോദ്യം ചെയ്യൽ പൂർത്തിയായി. ഇന്നലെ 9 മണിക്കൂറിലധികം ചോദ്യം ചെയ്തതിനു പിന്നാലെ 6 മണിക്കൂറോളമാണ് യു.വി.ജോസിനെ ഇന്ന് ഇഡി ചോദ്യം ചെയ്തത്. കേസിൽ നേരത്തെ അറസ്റ്റിലായ യൂണിടാക് എംഡി സന്തോഷ് ഈപ്പന്റെ മൊഴിയുടെ അടിസ്ഥാനത്തിലാണ് ഇയാളോടൊപ്പമിരുത്തി ജോസിനെ ചോദ്യം ചെയ്തത്.
വടക്കാഞ്ചേരി ലൈഫ് മിഷൻ പദ്ധതിയുടെ കരാര് യൂണിടാക്കിന് ലഭിച്ചത് സംബന്ധിച്ച് യു.വി.ജോസിനും അറിവുണ്ടായിരുന്നു എന്നാണ് സന്തോഷ് ഈപ്പൻ മൊഴി നൽകിയിരുന്നത്. കോഴയുടെ ഒരുപങ്ക് യു.വി.ജോസും കൈപ്പറ്റിയിട്ടുണ്ടെന്നും ഇയാളുടെ മൊഴിയിലുണ്ടായിരുന്നു.
അതേസമയം, സന്തോഷ് ഈപ്പന് വ്യാഴാഴ്ച വരെ ഇഡി കസ്റ്റഡിയില് തുടരും. പദ്ധതിയുടെ ഭാഗമായി 9 കോടിയോളം രൂപ ഉദ്യോഗസ്ഥര്ക്ക് ഉള്പ്പെടെ കൈക്കൂലി നല്കിയെന്നാണ് സ്വർണക്കടത്തു കേസിലെ പ്രതി സ്വപ്ന സുരേഷ് നൽകിയിരിക്കുന്ന മൊഴി. ഇതുവരെ നാലരക്കോടിയുടെ കോഴയിടപാട് നടന്നുവെന്നാണ് ഇഡി കണ്ടെത്തിയിരിക്കുന്നത്.