തിരുവനന്തപുരം: ഭൂമിയുടെ ന്യായവില പത്ത് ശതമാനം വര്ധിപ്പിച്ചെന്ന് ധനമന്ത്രി തോമസ് ഐസക്ക്. ഇതിലൂടെ 200 കോടിരൂപയുടെ അധികവരുമാനം പ്രതീക്ഷിക്കുന്നതായി ധനമന്ത്രി ബഡ്ജറ്റ് പ്രസംഗത്തില് പറഞ്ഞു.
വന്കിട പ്രോജക്ടുകളുടെ ചുറ്റുപാടുള്ള ഭൂമിയില് ഗണ്യമായ വിലവര്ധനയുണ്ടാകും. അതുകൊണ്ട് വന്കിട പ്രോജക്ടുകള്ക്ക് സമീപം നോട്ടിഫൈ ചെയ്യന്ന ഭൂമിക്ക് വിജ്ഞാപനം ചെയ്യപ്പെട്ട ന്യായവിലയേക്കാള് മുപ്പതുശതമാനം വരെ വില പുതുക്കി നിശ്ചയിക്കുമെന്നും അദ്ദേഹം ബജറ്റ് അവതരണത്തില് വ്യക്തമാക്കി. ഇതുവഴി അമ്പതുകോടി രൂപയുടെ അധികവരുമാനം ലഭിക്കുമെന്ന് പ്രതീക്ഷിക്കുന്നെന്നും ധനമന്ത്രി കൂട്ടിച്ചേര്ത്തു.
ലൊക്കേഷന് മാപ്പിന് 200 രൂപയായി ഫീസ് വര്ധിപ്പിച്ചു. ഭൂമിയുടെ പോക്കുവരവിനും നിരക്ക് കൂട്ടി. ഫീസ് സ്ലാബ് പുതുക്കിയിട്ടുണ്ട്.
കെട്ടിട നികുതി വര്ധിപ്പിച്ചു, 30 ശതമാനം വര്ധിക്കാത്ത തരത്തില് ഇത് ക്രമീകരിക്കും. തണ്ടപ്പേര് പകര്പ്പെടുക്കുന്നതിന് ഫീസ് 100 രൂപയാക്കി. ആഡംബര നികുതി കൂട്ടി.
