കൊച്ചി : അന്തരിച്ച കേരള കോണ്ഗ്രസ് ചെയര്മാന് കെഎം മാണിയുടെ സംസ്കാര ചടങ്ങുകള് നാളെ വൈകീട്ട് മൂന്ന് മണിക്ക് പാലാ കത്തീഡ്രല് ചര്ച്ചിൽ നടക്കും. ഉച്ചയ്ക്ക് രണ്ട് മണി മുതലാണ് സംസ്കാര ശ്രുശൂഷകള് ആരംഭിക്കുക. മൃതദേഹം ഇന്ന് ഒമ്പത് മണിയോടെ കൊച്ചിയില് നിന്നും കോട്ടയത്തേക്ക് കൊണ്ടുപോകും.
പതിനൊന്ന് മണി മുതല് കേരള കോണ്ഗ്രസ് ആസ്ഥാനത്ത് ഭൗതീകശരീരം പൊതുദര്ശനത്തിന് വെക്കും. അവിടെ നിന്നും വിലാപയാത്രയായി കോട്ടയം തിരുനക്കര മൈതാനിയിലേക്ക് കൊണ്ടു വരും. വൈകുന്നേരം വരെ ഇവിടെ പൊതുദര്ശനത്തിന് വയ്ക്കുന്ന മൃതദേഹം അവിടെ നിന്നും അയ്യര്കുന്ന് വഴി പാലായില് എത്തിക്കും. വ്യാഴാഴ്ച്ച വൈകിട്ട് രണ്ട് മണിവരെ മാണിയുടെ പാലായിലെ കരിങ്ങോഴക്കല് വീട്ടില് ഭൗതിക മൃതദേഹം പൊതുദര്ശനത്തിനായി വയ്ക്കും.
ശ്വാസകോശ സംബന്ധമായ അസുഖങ്ങളെത്തുടര്ന്ന് ഇന്ന് വൈകീട്ട് കൊച്ചിയിലെ സ്വകാര്യ ആശുപത്രിയിലയിരുന്നു കെഎം മാണിയുടെ അന്ത്യം. ഇന്ന് ഉച്ചയോടെയാണ് മാണിയുടെ ആരോഗ്യനില അതീവഗുരുതരമായത്. ഇന്ന് രാവിലെയോടെ ആരോഗ്യസ്ഥിതി മെച്ചപ്പെട്ടിരുന്നെങ്കിലും മൂന്ന് മണിയോടെ വീണ്ടും സ്ഥിതി ഗുരുതരമാവുകയായിരുന്നു. ഹൃദയമിടിപ്പും രക്തസമ്മര്ദ്ദവും ക്രമാതീതമായി കുറഞ്ഞതാണ് മരണകാരണം.
