ചെന്നൈ: തമിഴ് സൂപ്പര് സ്റ്റാര് രജനീകാന്ത് 2021ലെ നിയമസഭ തെരഞ്ഞെടുപ്പില് മത്സരിക്കുമോ ഇല്ലയോയെന്ന നിര്ണായക പ്രഖ്യാപനം നാളെയുണ്ടായേക്കും. രജനീകാന്തിന്റെ ഫാന്സ് അസോസിയേഷനായ രജനി മക്കള് മന്ട്രത്തിന്റെ യോഗം നവംബര് 30ന് ചേരും. ചെന്നൈയിലെ രാഘവേന്ദ്ര കല്യാണ മണ്ഡപത്തിലാണ് യോഗം. തെരഞ്ഞെടുപ്പുമായി ബന്ധപ്പെട്ട് രജനീകാന്ത് നിര്ണായക പ്രഖ്യാപനം നടത്തിയേക്കുമെന്നും അംഗങ്ങള് അദ്ദേഹത്തിന് പൂര്ണ പിന്തുണ നല്കുമെന്നും രജനി മക്കള് മന്ട്രം ജില്ല സെക്രട്ടറി പറഞ്ഞു.
‘കാര്യമെന്താണെന്ന് ഞങ്ങള്ക്ക് അറിയില്ല. മണ്ഡപത്തില് ഒമ്ബതുമണിക്ക് എത്തണമെന്ന് മാത്രമാണ് അറിയിപ്പ് അദ്ദേഹത്തില്നിന്ന് നല്ല പ്രഖ്യാപനമുണ്ടാകുമെന്ന് കരുതുന്നു’ അദ്ദേഹം കൂട്ടിച്ചേര്ത്തു. നേരത്തെ കേന്ദ്ര ആഭ്യന്തര മന്ത്രി അമിത് ഷാ ചെന്നൈയില് രജനികാന്തുമായി കൂടിക്കാഴ്ച നടത്തിയിരുന്നു. സുപ്രധാന തീരുമാനം യുക്തമായ സമയത്ത് പ്രഖ്യാപിക്കപ്പെടുമെന്നും പ്രവര്ത്തകര് പ്രചാരണ പരിപാടികളില് വ്യാപൃതരാകാനും അമിത് ഷാ നിര്ദ്ദേശം നല്കിയിരുന്നു. രജനികാന്ത് ബിജെപിയുമായി ചേര്ന്ന് പ്രവര്ത്തിക്കാന് സാധ്യത ഏറെയാണെന്ന് രാഷ്ട്രീയ നിരീക്ഷകര് വിലയിരുത്തുന്നു.