സോളാര് പീഡനക്കേസില് സിബിഐ അന്വേഷണം നേരടിാന് തയാറാണെന്ന് കോണ്ഗ്രസ് മുതിര്ന്ന നേതാവ് ഉമ്മന് ചാണ്ടി. സിബി ഐ അന്വേഷണത്തിനെതിരെ കോടതിയെ സമീപിക്കില്ലെന്നും, ചെയ്യാത്ത കുറ്റത്തിന് എന്ത് അന്വേഷണമുണ്ടായാലും നേരിടുമെന്നും ഉമ്മന് ചാണ്ടി പ്രതികരിച്ചു.
ഈ കേസിനെ ഹൈക്കോടതി രൂക്ഷമായി വിമര്ശിച്ചതാണ്. സിബിഐ അന്വേഷിക്കുന്നെങ്കില് സിബിഐ അന്വേഷിക്കട്ടെ. ചെയ്യാത്ത കുറ്റത്തിന് എന്ത് അന്വേഷണമുണ്ടായാലും അതിനെ അഭിമുഖീകരിക്കും. ഇതിനെതിരെ കോടതിയെ സമീപിക്കാന് ഉദ്ദേശിക്കുന്നില്ല. മറ്റുള്ളവരുമായി കൂടി ആലോചിച്ച ശേഷം എന്താണ് നടപടി എന്ന കാര്യം തീരുമാനിക്കും, ഉമ്മന് ചാണ്ടി പറഞ്ഞു.
സോളാര് കേസിനെതിരെ വലിയ സമരം ചെയ്ത ഇടതുപക്ഷത്തിന് ഇതുവരെ ഒരു നടപടിയും സ്വീകരിക്കാന് കഴിയാതിരുന്നത് എന്തുകൊണ്ടാണെന്നും ഉമ്മന് ചാണ്ടി ചോദിച്ചു.
സോളാര് ഇടപാടുമായി ബന്ധപ്പെട്ട സ്ത്രീപീഡന കേസില് ഉമ്മന് ചാണ്ടിയെ കൂടാതെ കെ.സി. വേണുഗോപാല്, എ.പി. അനില്കുമാര്, അടൂര് പ്രകാശ്, ഹൈബി ഈഡന്, എ.പി. അബ്ദുള്ളക്കുട്ടി എന്നിവര്ക്കെതിരെയുള്ള അന്വേഷണമാണ് സിബിഐക്ക് വിടാന് സര്ക്കാര് തീരുമാനിച്ചത്