പാലക്കാട്:പ്രായപൂർത്തിയാകാത്ത പെൺകുട്ടിയെ പീഡിപ്പിച്ച കേസില് എക്സൈസ് ഓഫിസര്ക്കെതിരെ നടപടി.പ്രതിക്ക് ഏഴ് വര്ഷത്തെ കഠിന തടവ് തൃശൂര് ഫാസ്റ്റ് ട്രാക്ക് സ്പെഷ്യല് കോടതി വിധിച്ചു. കൊല്ലങ്കോട് മേട്ടുപ്പാളയം സ്വദേശി വിനോദിനെയാണ് ശിക്ഷിച്ചത്. 2016ലാണ് വിനോദ് പെണ്കുട്ടിയെ പീഡിപ്പിച്ചത്.
എക്സൈസ് പ്രിവന്റീവ് ഓഫിസര് കൂടിയായ പ്രതി ശിക്ഷയില് യാതൊരു ഇളവും അര്ഹിക്കുന്നില്ലെന്ന് പ്രോസിക്യൂഷന് വാദിച്ചു. പ്രോസിക്യൂഷന് വേണ്ടി പബ്ലിക് പ്രോസിക്യൂട്ടര് അഡ്വ കെ പി അജയകുമാറാണ് ഹാജരായത്.ഏഴ് വര്ഷം കഠിന തടവിനൊപ്പം 50,000 രൂപ പിഴയും ഇയാള്ക്കെതിരെ വിധിച്ചിട്ടുണ്ട്. ഈ തുക അടയ്ക്കാത്ത പക്ഷം ആറ് മാസം കൂടി തടവ് അനുഭവിക്കേണ്ടി വരും. ഈ തുക അതിജീവിതയ്ക്ക് നല്കാനും കോടതി ഉത്തരവിട്ടിട്ടുണ്ട്.