പത്തനംതിട്ട: മല്ലപ്പള്ളിയിൽ തട്ടുകടയിൽ നിന്നും വാങ്ങിയ ഉളളിവടയിൽ സിഗരറ്റ് കുറ്റി. പ്രദേശവാസിയായ ജീവൻ പി മാത്യുവിനാണ് ഉള്ളിവടയിൽ നിന്നാണ് സിഗരറ്റ് കുറ്റി ലഭിച്ചത്. ഉടൻ തന്നെ മല്ലപ്പള്ളി ഗ്രാമ പഞ്ചായത്ത് സെക്രട്ടറിയ്ക്കും പോലീസിനും ജീവൻ പരാതി നൽകി. പിന്നാലെ പോലീസ് എത്തി കട അടപ്പിച്ചു.
ഉള്ളിവട കഴിക്കുന്നതിനിടെ വലിച്ച് തീർന്ന സിഗരറ്റ് കുറ്റി ലഭിക്കുകയായിരുന്നു. ഇതോടെ ഇതിന്റെ ചിത്രങ്ങൾ ഫോണിൽ പകർത്തി. ഇതിന് പിന്നാലെ പരാതി നൽകുകയായിരുന്നു. വാങ്ങിയ സാധനങ്ങൾ സഹിതമാണ് ജീവൻ പഞ്ചായത്ത് അധികൃതർത്ത് പരാതി നൽകിയത്. ഇതിന് മുന്നോടിയായി അദ്ദേഹം പോലീസിലും പരാതി നൽകിയിരുന്നു. നാല് പരിപ്പ് വട, നാല് ഉള്ളി വട, രണ്ട് മുളക് ബജി എന്നിവയാണ് ജീവൻ ബജി തട്ടുകടയില്‍ നിന്ന് വാങ്ങിയത്. മല്ലപ്പള്ളിയിലും പരിസര പ്രദേശങ്ങളിലും പ്രവർത്തിക്കുന്ന പല കടകളും ലൈസൻസ് ഇല്ലാത്തതാണ്. ഇങ്ങനെ ഉള്ള കടകൾക്ക് എതിരെ നടപടി സ്വീകരിക്കണം എന്നും ജനങ്ങൾ ആവിശ്യപ്പെട്ടു.
