തിരുവനന്തപുരം : വെള്ളായണി കാർഷിക കോളജ് ഹോസ്റ്റലിൽ വിദ്യാർത്ഥിനിയെ പൊള്ളലേൽപ്പിച്ച സഹപാഠിയായ വിദ്യാർത്ഥിനി പിടിയിലായി. നാലാംവർഷ ബിരുദ വിദ്യാർത്ഥിനി ലോഹിതയെയാണ് സംഭവത്തിൽ പോലീസ് കസ്റ്റഡിയിലെടുത്തത്. ഇവർക്കെതിരെ ജാമ്യമില്ലാ വകുപ്പ് പ്രകാരം കേസെടുക്കും. പൊള്ളലേൽപ്പിച്ചതിന് പുറമെ പെൺകുട്ടിയെ മൊബൈൽ ചാർജർ കൊണ്ട് തലയ്ക്ക് അടിച്ചെന്നും പൊലീസ് പറഞ്ഞു. സംഭവവുമായി ബന്ധപ്പെട്ട് മൂന്നുപേരെ കോളേജ് അധികൃതർ സസ്‍‌പെൻഡ് ചെയ്തു.
സംഭവത്തിലെ ഇരയും പ്രതിയും ആന്ധ്ര സ്വദേശിനികളാണ്. രണ്ടുപേരും ഒരു ഹോസ്റ്റൽ മുറിയിൽ ആയിരുന്നു. സംഭവമന്വേഷിക്കാൻ അന്വേഷിക്കാൻ നാലംഗ സമിതിയെ കോളജ് ചുമതലപ്പെടുത്തിയിട്ടുണ്ട്.
