തിരുവന്തപുരം:കളിക്കുന്നതിനിടെ തിരയിൽപ്പെട്ട് ഒന്നര വയസുകാരന് ദാരുണാന്ത്യം.പൂവാർ സ്വദേശി ഉണ്ണി-സജിത ദമ്പതികളുടെ മകൻ ഫാബിയോ ആണ് മരിച്ചത്.പുതിയതുറ ഫിഷ് ലാന്റിംഗ് സെന്ററിന് സമീപത്താണ് അപകടം ഉണ്ടായത്.സംഭവത്തിൽ പൂവാർ പോലീസ് കേസെടുത്തു.
കുഞ്ഞിനെ സഹോദരനെ ഏൽപ്പിച്ച ശേഷം മാതാവ് സജിത കുടുംബശ്രീ യോഗത്തിന് പോയ സമയത്താണ് അപകടം നടന്നത്. സഹോദരന്റെ ശ്രദ്ധ മാറിയപ്പോൾ കുട്ടി തീരത്തേക്ക് പോയി അപകടത്തിൽപ്പെട്ടതെന്നും പോലീസ് വ്യക്തമാക്കി. സഹോദരന്റെ കരച്ചിൽ കേട്ട് മറ്റുള്ളവർ ഓടിയെത്തി കുട്ടിയെ രക്ഷിച്ച് ആശുപത്രിയിലെത്തിച്ചു. വിദഗ്ധ ചികിത്സയ്ക്കായി നെയ്യാറ്റിൻകരയിലെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.