വയനാട്ടിൽ രണ്ടിടങ്ങളിൽ കടുവയിറങ്ങി. ജനവാസ കേന്ദ്രങ്ങളായ വാകേരിയിലും അമ്പലവയലിലുമാണ് കടുവ ഇറങ്ങിയത്. അമ്പലവയലില് ഇറങ്ങിയ കടുവ രണ്ട് ആടുകളെ കൊന്നു. മാഞ്ഞൂപറമ്പില് ബേബിയുടെ രണ്ട് ആടുകളെയാണ് കടുവ കൊന്നത്.
വാകേരി ഗാന്ധി നഗറിലിറങ്ങിയ കടുവ സ്വകാര്യ തോട്ടത്തിൽ കിടക്കുകയാണ് . കടുവയ്ക്ക് പരിക്ക് പറ്റിയിട്ടുണ്ടെന്നാണ് സംശയം. ഇന്ന് രാവിലെയാണ് നാട്ടുകാരിലൊരാൾ കടുവയെ കണ്ടത്. മതിൽ ചാടിക്കടക്കാൻ കഴിയാതെ നിൽക്കുകയായിരുന്നു കടുവയെന്നാണ് ഇയാൾ പറയുന്നത്.. വനം വകുപ്പും പൊലീസും സ്ഥലത്ത് എത്തിയിട്ടുണ്ട് . മെഡിക്കൽ സംഘം സ്ഥാലത്തെത്തിയ ശേഷം തുടർ നടപടി എടുക്കുമെന്ന് വനം വകുപ്പ് അറിയിച്ചു.