വെള്ളറട: മദ്യലഹരിയില് ഫര്ണിച്ചര് കടയില് കയറി യുവതിയെ ആക്രമിച്ച കേസിൽ യുവാവ് അറസ്റ്റിൽ. ചാവടി തച്ചംകോട് സ്വദേശി ജയസിങ് (43) ആണ് അറസ്റ്റിലായത്. കടയുടെ ഉടമ റജി തോമസിന്റെ ഭാര്യ സജിതകുമാരിയുടെ നേര്ക്കാണ് ആക്രമണമുണ്ടായത്. കടയില് വില്പനക്ക് വെച്ചിരുന്ന കത്തിയെടുത്ത്
കുത്തുകയായിരുന്നു. കാരക്കോണത്തെ കൂനമ്പന മോറിയ ഫര്ണിച്ചര് മാര്ട്ടിലാണ് ആക്രമണമുണ്ടായത്. സജിതകുമാരി ഒഴിഞ്ഞുമാറിയതിനാല് പരിക്കേറ്റില്ല.
ജയസിങിന്റെ ഭാര്യ ഇപ്പോള് പിരിഞ്ഞ് കഴിയുകയാണ്. യുവതി സംഭവം നടന്ന സ്ഥാപനത്തിലെ ജീവനക്കാരിയാണ്. സംഭവസമയത്ത് ഇവര് സ്ഥാപനത്തിലുണ്ടായിരുന്നില്ല. കടയുടമയും നാട്ടുകാരും ചേര്ന്ന് ഇയാളെ പിടികൂടി പോലീസിൽ ഏൽപ്പിക്കുകയായിരുന്നു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.