പാൻമസാല പരസ്യത്തിൽ അഭിനയിച്ച് വിവാദത്തിലായ സൂപ്പർതാരം അക്ഷയ് കുമാർ ഇൻസ്റ്റാഗ്രാം പോസ്റ്റിലൂടെ തൻ്റെ ആരാധകരോട് മാപ്പറിയിച്ചിരിക്കുകയാണ്. സമൂഹമാധ്യമങ്ങളിൽ പ്രതിഷേധം ഉയർന്നതോടെയാണ് മാപ്പുപറഞ്ഞു താരം രംഗത്തെത്തിയത്.
അക്ഷയ് കുമാർ അഭിനയിച്ച വിമൽ പാൻ മസാലയുടെ പരസ്യം കഴിഞ്ഞദിവസമാണ് പുറത്തിറങ്ങിയത്.ഇതിനെത്തുടർന്ന് താരത്തിനെതിരെ പലതരത്തിലുള്ള പ്രെതിഷേധമാണ് സമൂഹമാധ്യമങ്ങൾ വഴി ഉണ്ടായത്.അജയ് ദേവ്ഗണും ഷാരൂഖ് ഖാനും പാൻ മസാല ചവച്ചുകൊണ്ട് ആരാണ് ഈ പുതിയ കില്ലാഡി എന്ന് ചോദിക്കുന്നതും ശേഷം അക്ഷയ് കുമാർ പാൻ മസാല ചവച്ചുകൊണ്ട് കടന്നു വരുന്നതുമാണ് പരസ്യം.
പ്രേക്ഷകരിൽ നിന്ന് ലഭിച്ച പ്രതികരണം തന്നെ ഏറെ വിഷമിപ്പിച്ചുവെന്നും പരസ്യവുമായുള്ള കരാർ പിൻവലിക്കുന്നതായും അദ്ദേഹം പറഞ്ഞു. ഇനി പാൻ മസാല പരസ്യങ്ങളിൽ അഭിനയിക്കുകയില്ല. പരസ്യത്തിൽ നിന്ന് ലഭിച്ച തുക നല്ല കാര്യങ്ങൾക്കായി ഉപയോഗിക്കുമെന്ന് അദ്ദേഹം സമൂഹ മാധ്യമങ്ങളിലൂടെ അറിയിച്ചു.
“ഞാൻ എന്റെ ആരാധകരോടും എല്ലാ പ്രേക്ഷകരോടും ക്ഷമ ചോദിക്കുന്നു. കുറച് ദിവസങ്ങൾ കൊണ്ടുള്ള നിങ്ങളുടെ പ്രതികരണം എന്നെ ഒരുപാട് വേദനിപ്പിച്ചു.ഞാൻ പുകയില ഉപയോഗിക്കുകയോ അംഗീകരിക്കുകയോ ചെയ്തിട്ടില്ല, വിമൽ എലൈച്ചിയുമായുള്ള പരസ്യങ്ങൾ മൂലം നിങ്ങൾക്കുണ്ടായ ബുദ്ധിമുട്ട് ഞാൻ മനസ്സിലാക്കുന്നു. ഞാൻ അതിൽ നിന്ന് വിനയപൂർവ്വം പിൻവാങ്ങുന്നു.നല്ല കാര്യങ്ങൾക്കായി എനിക്ക് ലഭിച്ച തുക പൂർണ്ണമായും സംഭാവന ചെയ്യാൻ ഞാൻ തീരുമാനിച്ചു. കരാറിന്റെ നിയമപരമായ കാലാവധി അവസാനിക്കുന്നത് വരെ പരസ്യം അവർ സംപ്രേക്ഷണം ചെയ്യുന്നത് തുടരും.എന്നാൽ ഭാവിയിൽ പരസ്യങ്ങൾ തിരഞ്ഞെടുക്കുന്നതിൽ അതീവ ശ്രദ്ധാലുവായിരിക്കുമെന്ന് ഞാൻ ഉറപ്പ് നൽകുന്നു നിങ്ങളുടെ സ്നേഹം പ്രതീക്ഷിക്കുന്നു”, അക്ഷയ് കുമാർ .
