കൊച്ചി: ഗൂഢാലോചനക്കേസിൽ ദിലീപിന്റെ മുൻകൂർ ജാമ്യപേക്ഷ പരിഗണിക്കുന്നത് തിങ്കളാഴ്ചത്തേയ്ക്ക് മാറ്റി. ദിലീപിന്റെയും പ്രതികളുടെയും മുന്കൂര് ജാമ്യാപേക്ഷയില് വാദങ്ങള് നാളെയും തുടരും. തിങ്കളാഴ്ച്ച വാദം പൂർത്തിയാക്കണമെന്ന് കോടതി നിർദേശിച്ചു. നാളെ ഹൈക്കോടതിയില് (High Court) പ്രത്യക സിറ്റിംഗ് ഉണ്ടാകും.
ദിലീപിനെതിരെ ശക്തമായ വാദങ്ങളാണ് ഇന്ന് പ്രോസിക്യൂഷന് കോടതിയില് നടത്തിയത്. പ്രതികള്ക്കു സംരക്ഷണ ഉത്തരവു നല്കിയത് അന്വേഷണത്തെ ബാധിക്കുന്നുണ്ടെന്നും മുന്കൂര് ജാമ്യം നല്കിയാല് ജനങ്ങള്ക്ക് കോടതിയിലുള്ള വിശ്വാസം നഷ്ടപെടുമെന്നും പ്രോസിക്യൂഷന് ചൂണ്ടിക്കാണിച്ചു. ജാമ്യാപേക്ഷ പരിഗണിക്കുമ്പോള് ദിലീപെന്ന പ്രതിയുടെ ചരിത്രം കണക്കിലെടുക്കണമെന്ന് പ്രോസിക്യൂഷന് ഹൈക്കോടതിയില് പറഞ്ഞു. സഹപ്രവര്ത്തകയെ ലൈംഗികമായി പീഡിപ്പിക്കാന് ക്വട്ടേഷന് നല്കിയ വ്യക്തിയാണ്. അതുകൊണ്ടു തന്നെ ഒരു വിശ്വസ്യാതയുള്ള സാക്ഷിയുള്ള ഈ കേസില് അദ്ദേഹം മുന്കൂര് ജാമ്യത്തിന് അര്ഹനല്ലെന്നും പ്രോസിക്യൂഷന് കോടതിയെ അറിയിച്ചു.
അന്വേഷണ ഉദ്യോഗസ്ഥര്ക്ക് പണി കൊടുക്കണമെന്ന് ദിലീപും പ്രതികളും തീരുമാനം എടുത്തിരുന്നു. നല്ല പണി കൊടുക്കും എന്നു ദിലീപ് പറയുന്നത് എങ്ങനെ ശാപവാക്കാകുമെന്നും ഇതു തീരുമാനമെടുത്തതാണെന്നും പ്രോസിക്യൂഷന് വാദിച്ചു.