മോഹൻലാലിനൊപ്പമുള്ള ചിത്രവുമായി അനുശ്രീ: ലാലേട്ടന്റെ കൈയിലുള്ള വാച്ചിന്റെ വിലയെത്രയെന്ന് ആരാധകർ; വൈറലായി ചിത്രം

ഒപ്പം എന്ന ചിത്രത്തിന് ശേഷം 12ത്ത് മാൻ എന്ന ചിത്രത്തിലൂടെ മോഹൻലാലിനൊപ്പം വീണ്ടും അഭിനയിക്കുന്നതിന്റെ സന്തോഷത്തിലാണ് നടി അനുശ്രീ. നടനവിസ്‍മയം ലാലേട്ടന്റെ കൂടെ ഒരു ചിത്രം കൂടി എന്ന് പറഞ്ഞാണ് അനുശ്രീ ഫോട്ടോ പങ്കുവച്ചിരിക്കുന്നത്. ദൃശ്യം എന്ന സൂപ്പർ ഹിറ്റ് ചിത്രത്തിന് ശേഷം മോഹൻലാലും(Mohanlal) ജീത്തു ജോസഫും ഒന്നിക്കുന്ന ചിത്രമാണ് 12ത്ത് മാൻ. കൂടാതെ സസ്‌പെൻസ് സ്വഭാവത്തിൽ എത്തുന്ന 12ത്ത് മാനിൽ ഒറ്റ ദിവസത്തെ സംഭവമാണ് കഥയാകുന്നത്.

അതേസമയം ലാലേട്ടന്റെ കൂടെ അഭിനയിച്ച് വിസ്‌മയം തീർത്ത ഒപ്പം മൂവി പ്രേക്ഷക ശ്രദ്ധ നേടിയതാണെന്നും, വീണ്ടും വിസ്‌മയങ്ങൾ തീർക്കുവാൻ കുടുംബ പ്രേക്ഷകരുടെ സ്വന്തം ജിത്തു സാറിന്റെ 12ത്ത് മാൻ സൂപ്പർ ആകട്ടെ എന്ന് ആശംസിക്കുന്നു. തുടങ്ങിയ കമന്റുകളാണ് ചിത്രത്തിന് വരുന്നത്. കൂടാതെ ലാലേട്ടൻ്റെ വാച്ചിൻ്റെ പേരും വിലയും ഒരു ആരാധകൻ പറയുന്നുണ്ട്. ലാലേട്ടൻ്റെ വാച്ചിൻ്റെ പേര് “ഓഡിമാർസ് പിഗ്യൂട്ട് 2020 അൺവോൺ റോയൽ ഓക്ക് ക്രോണോഗ്രാഫ് 41 എംഎം” എന്നാണ്. വില $129434, അതായത് ഇന്ത്യൻ രൂപ 95 ലക്ഷത്തിന് മുകളിൽ വരുമെന്നാണ് ആരാധകരുടെ കമന്റ്.

കെ ആർ കൃഷ്‍ണകുമാറിന്റേതാണ് തിരക്കഥ. ആശിർവാദ് സിനിമാസിൻറെ ബാനറിൽ ആൻറണി പെരുമ്പാവൂർ ആണ് ചിത്രം നിർമിക്കുന്നത്. അദിതി രവി, പ്രിയങ്ക നായർ, വീണാ നന്ദകുമാർ, ലിയോണ ലിഷോയ്, ശിവദ, സൈജു കുറുപ്പ്, അനു മോഹൻ തുടങ്ങിയവരാണ് ചിത്രത്തിൽ മറ്റു പ്രധാന വേഷങ്ങളിലെത്തുന്നത്.