പത്തനംതിട്ട: തെന്നിന്ത്യൻ സിനിമകളിലൂടെ പ്രേക്ഷകർക്ക് ഏറെ സുപരിചിതയായ താരമാണ് നടി ഗീത. മലയാളം, തെലുങ്ക്, തമിഴ് തുടങ്ങിയ ഭാഷകളിൽ എല്ലാം ഗീത അഭിനയിച്ചിട്ടുണ്ട്. വൈശാലി, അഭിമന്യു, ഒരു വടക്കൻ വീരഗാഥ,വാത്സല്യം, സുഖമോദേവി തുടങ്ങി എത്രയോ ഹിറ്റുകൾ ചിത്രങ്ങളിൽ മലയാളത്തിലും ഗീത മികച്ച വേഷങ്ങൾ കൈകാര്യം ചെയ്തിരുന്നു.
ഇപ്പോഴിതാ താരത്തിന്റെ ഏറ്റവും പുതിയ ചിത്രങ്ങളാണ് സോഷ്യൽ മീഡിയയിൽ ശ്രദ്ധേയമായി മാറുന്നത്.
ചിങ്ങമാസപ്പുലരിയിൽ അയ്യനെ കാണാൻ സന്നിധാനത്ത് താരം എത്തിയ ചിത്രങ്ങളാണ് വൈറലാകുന്നത്. ഗീത തന്റെ 61-ാം വയസിലാണ് കുടുംബത്തോടൊപ്പം ശബരീശ ദര്ശനം നടത്തിയത്. ഗീതയുടെ കന്നി ശബരിമല യാത്രക്കൂടിയായിരുന്നു ഇത്.
തന്ത്രി കണ്ഠരര് മഹേഷ് മോഹനര്, മേൽശാന്തി എസ് ജയരാമൻ പോറ്റി എന്നിവരെ സന്ദര്ശിച്ച ഗീത ഇരുവരില് നിന്നും പ്രസാദം സ്വീകരിച്ചു. പുലര്ച്ചെ നിര്മ്മാല്യ ദര്ശനവും ഗണപതിഹോമവും നെയ്യഭിഷേകവും തൊഴുത താരം വഴിപാടുകളും നടത്തി.