ഗുരുവായൂര്‍: ഗുരുവായൂര്‍ ക്ഷേത്രദര്‍ശനത്തിനുശേഷം ട്വിറ്ററില്‍ ഇങ്ങനെ കുറിച്ചു: ഗുരുവായൂര്‍ ക്ഷേത്രം ദിവ്യവും പ്രൗഢഗംഭീരവുമാണ്. ഇന്ത്യയുടെ പുരോഗതിക്കും സമൃദ്ധിക്കും വേണ്ടി ചരിത്രപ്രസിദ്ധമായ ഈ ക്ഷേത്രത്തില്‍ പ്രാര്‍ത്ഥിച്ചു.
കരുണാകരന്‍ ഒപ്പമില്ലാതെ കണ്ണനെ തൊഴാനെത്തുന്ന ആദ്യ പ്രധാനമന്ത്രിയായി നരേന്ദ്രമോദി മാറി. ഇന്ദിരയ്ക്കും രാജീവിനും നരസിംഹറാവുവിന് ശേഷമെത്തുന്ന പ്രധാനമന്ത്രിയെ സ്വീകരിച്ചത് പൂര്‍ണ്ണ കുംഭം നല്‍കി; കണ്ണനെ പ്രാര്‍ത്ഥിക്കാന്‍ കേരളത്തിലെത്തുന്നത് ഇത് രണ്ടാം തവണയും; 2008ലെ വരവ് ജയലളിതയുടെ പ്രചോദനത്താലായിരുന്നു. തുടര്‍ന്ന് അദ്ദേഹം ഗുരുവായൂരപ്പന്റെ പരമ ഭക്തനായി മാറുകയായിരുന്നു.
ഗുരുവായൂരിന്റെ് പ്രശസ്തി ദേശീയ തലത്തില്‍ എത്തിച്ചത് കേരള മുഖ്യമന്ത്രിയായിരുന്ന കരുണാകരനാണ്. മുഖ്യമന്ത്രി ഗുരുവായൂരപ്പന്റെ പ്രിയ ഭക്തനായി മാറി. ഈ ഭക്തിയാണ് മൂന്ന് പ്രധാനമന്ത്രിമാരെ ഗുരുവായൂര്‍ സന്നിധിയില്‍ എത്തിച്ചത്. 1980-ല്‍ ഇന്ദിരാഗാന്ധിയും ’87-ല്‍ രാജീവ്ഗാന്ധിയും ’94-ല്‍ നരസിംഹറാവുവും കണ്ണനെ തൊഴാനെത്തി. ഗുരുവായൂരപ്പനെ തൊഴാനെത്തുന്ന നാലാമത്തെ പ്രധാനമന്ത്രിയാണ് നരേന്ദ്ര മോദി
അധികാരത്തില്‍ തുടര്‍ച്ചയായി രണ്ടാം തവണ എത്തിയ ശേഷം പ്രധാനമന്ത്രി ആദ്യമായി എത്തുന്നത് കേരളത്തിലേക്കാണ്. ഗുരുവായൂര്‍ കണ്ണന് നന്ദി പറയാനാണ്. 2008 ജനുവരി 13ന് മോദി ക്ഷേത്രദര്‍ശനം നടത്തിയിരുന്നു. അന്ന് താമരപ്പൂ കൊണ്ട് തുലാഭാരം നടത്തിയാണു മടങ്ങിയത്.
2001ലാണ് മോദി അദ്യമായി ഗുജറാത്ത് മുഖ്യമന്ത്രിയാകുന്നത്. ഗുജറാത്തില്‍ ബിജെപി വന്‍ മുന്നേറ്റം നടത്തി. ഇതിന് ശേഷം മോദി ഓടിയെത്തിയത് ഗുരുവായൂരപ്പനെ തൊഴാനായാരിന്നു. അതിന് ശേഷം നേരെ പോയത് ജയലളിതയുടെ അടുത്തേക്കും.
2012ല്‍ അനായാസമായി ജയിച്ചു. പിന്നെ 2014ല്‍ എന്‍ഡിഎ നയിച്ച് പ്രധാനമന്ത്രിയുമായി. വിമര്‍ശകര്‍ പോലും ബിജെപിക്ക് ഒറ്റയ്ക്ക് ഭൂരിപക്ഷം കിട്ടില്ലെന്ന് വിധിയെഴുതി. എന്നാല്‍ 303 സീറ്റാണ് എന്‍ഡിഎയ്ക്ക് കിട്ടിയത്.
2007 ല്‍ ഗുജറാത്തില്‍ കിട്ടിയതിന് സമാനമായ ജയം. ഇപ്പോഴും ഓടിയെത്തുകയാണ് ഗുരുവായൂരിലേക്ക് മോദി. 2008 ജനുവരി 14നായിരുന്നു മോദി ആദ്യം ഗുരുവായൂരിലെത്തിയത്. എന്ന് കണ്ണന് കദളിപ്പഴവും തുലഭാരവും നടത്തി പോയത് തമിഴ്‌നാട്ടിലായിരുന്നു. അന്ന് തമിഴകം ഭരിച്ച ജയലളിതയെ കാണാന്‍. ജയലളിതയും മോദിയും അടുത്ത സുഹൃത്തുക്കളായിരുന്നു. ജയലളിതയില്‍ നിന്നാണ് ഗുരുവായൂരപ്പന്റെ കടാക്ഷത്തിന്റെ ശക്തി മോദി തിരിച്ചറിഞ്ഞത്.
ജയലളിതയ്ക്ക് വിശ്വാസമുണ്ടായിരുന്ന പ്രിയപ്പെട്ട ക്ഷേത്രങ്ങളില്‍ ഒന്നായിരുന്നു ഗുരുവായൂര്‍. 2004 ജൂലായ് ഏഴിനാണ് ജയലളിത അവസാനമായി ഗുരുവായൂരില്‍ വന്നത്.
അതിനും മൂന്നുവര്‍ഷം മുമ്പ് ആനയെ നടയിരുത്താനും ജയലളിത ഗുരുവായൂരില്‍ എത്തിയിരുന്നു. 2001 ജൂലായ് രണ്ടിനാണ് ആനയെ നടയിരുത്താന്‍ ഗുരുവായൂരിലെത്തിയത്. മുന്‍മുഖ്യമന്ത്രി കരുണാനിധിയും കേന്ദ്രമന്ത്രിമാരും ജയിലിലായപ്പോഴുണ്ടായ രാഷ്ട്രീയക്കൊടുങ്കാറ്റിനിടെയായിരുന്നു ഗുരുവായൂര്‍ ദര്‍ശനം. ഇതില്‍ നിന്നുള്ള പ്രചോദനമായിരുന്നു 2008ല്‍ മോദിയെ ഗുരുവായൂരില്‍ എത്തിച്ചതെന്നാണ് വിലയിരുത്തല്‍.
വാജ്‌പേയി, വി.പി. സിങ്, ചന്ദ്രശേഖര്‍, ദേവഗൗഡ എന്നിവര്‍ പ്രധാനമന്ത്രിയല്ലാതിരുന്ന സമയത്ത് ഗുരുവായൂരപ്പനെ തൊഴാനെത്തിയിട്ടുണ്ട്. രാഷ്ട്രപതി രാംനാഥ് കോവിന്ദും ഉപരാഷ്ട്രപതി വെങ്കയ്യ നായിഡുവും കഴിഞ്ഞവര്‍ഷം ഗുരുവായൂരപ്പനെ വണങ്ങി.
2016-ല്‍ അന്നത്തെ രാഷ്ട്രപതി പ്രണബ്മുഖര്‍ജിയും ദര്‍ശനം നടത്തി. ഉപരാഷ്ട്രപതിയായിരിക്കേ വെങ്കിട്ടരാമനും ഗുരുവായൂരില്‍ ദര്‍ശനം നടത്തിയിട്ടുണ്ട്.
