ജയ്പുര്‍: രാജസ്ഥാനില്‍ ഇന്ത്യന്‍ വ്യോമസേനയുടെ മിഗ് 21 വിമാനം പരിശീലന പറക്കലിനിടെ തകര്‍ന്നു വീണു. വെള്ളിയാഴ്ച രാജസ്ഥാനിലെ ബിക്കാനര്‍ ജില്ലയിലായിരുന്നു സംഭവം. പൈലറ്റ് പരിക്ക് കൂടാതെ രക്ഷപെട്ടു.
ആക്രമണങ്ങളിൽ അല്ലാതെ വ്യോമസേനയുമായി ബന്ധപ്പെട്ട് കഴിഞ്ഞ രണ്ട് ആഴ്ചയ്ക്കുള്ളിൽ ഉണ്ടായ രണ്ടാമത്തെ അപകടമാണിത്. നേരത്തെ ജമ്മുകശ്മീരിലെ ബുദ്ഗാമില്‍ മിഗ് 17 ഹെലികോപ്റ്റര്‍ തകര്‍ന്നു വീണ് ഒരു സാധാരണക്കാരനും ആറ് വ്യോമസേന ഉദ്യോഗസ്ഥരും കൊല്ലപ്പെട്ടിരുന്നു.
