കല്പകഞ്ചേരി: ഓട്ടോയില് മദ്യവില്പന നടത്തിയ യുവാവിനെ പോലീസ് അറസ്റ്റ് ചെയ്തു. വൈലത്തൂര് കളത്തിങ്ങല് പ്രവീണിനെയാണ് അറസ്റ്റ് ചെയ്തത്. 11 കുപ്പി മദ്യമാണ് ഇയാളുടെ ഓട്ടോയില് നിന്ന് പിടിച്ചെടുത്തത്. കൂടാതെ മദ്യവില്പന നടത്തി കിട്ടിയ 5340 രൂപയും പിടിച്ചെടുത്തു. കല്പകഞ്ചേരി പോലീസ് ഇന്സ്പെക്ടര് പി.കെ. ദാസും സംഘവുമാണ് പ്രതിയെ പിടികൂടിയത്.
എ.എസ്.ഐ രവി, നീന, ദേവയാനി, ഹബീബ്, സോണി, സുജിത്ത് എന്നിവര് സംഘത്തിലുണ്ടായിരുന്നു. പ്രതിയെ കോടതിയില് ഹാജരാക്കി റിമാന്ഡ് ചെയ്തു.