ബോളിവുഡ് താരം ആലിയ ഭട്ട് ആദ്യമായി നിർമ്മിക്കുന്ന ചിത്രമായ ഡാര്ലിംഗ്സ് നെറ്റ്ഫ്ലിക്സില് റിലീസ് ചെയ്യും. ആലിയയ്ക്കൊപ്പം വിജയ് വര്മ്മ, ഷെഫാലി ഷാ മലയാളി താരം റോഷന് മാത്യൂ എന്നിവരാണ് ചിത്രത്തിലെ താരങ്ങള്. സിനിമയിലെ പ്രധാനതാരങ്ങള് ചിത്രം നെറ്റ്ഫ്ലിക്സില് എത്തുന്നു എന്ന് സൂചന നല്കുന്ന വിഡിയോ പങ്കുവച്ചാണ് അണിയറപ്രവര്ത്തകരും ഇക്കാര്യം പുറത്ത് വിട്ടത്. അതേസമയം ചിത്രത്തിന്റെ റിലീസ് തിയതിയോ മറ്റ് വിവരങ്ങളോ പങ്കുവച്ചിട്ടില്ല.
ഷാരൂഖിന്റെ റെഡ് ചില്ലീസ് എന്റര്ടെയ്ന്മെന്റും ആലിയ ഭട്ടിന്റെ ഇറ്റേര്ണല് സണ്ഷൈന് പ്രൊഡക്ഷന്സും ചേര്ന്നാണ് ഡാര്ലിംഗ്സ് നിര്മ്മിച്ചത്. നവാഗതയായ ജസ്മീത് കെ റീന് ആണ് ചിത്രം സംവിധാനം ചെയ്യുന്നത്. ആലിയയും ഷെഫാലിയും ചിത്രത്തില് അമ്മയും മകളുമായുമാണ് എത്തുന്നത്.
അനുരാഗ് കശ്യപ് സംവിധാനം ചെയ്ത ചോക്ക്ഡ്’ എന്ന ചിത്രത്തിന് ശേഷം റോഷന് മാത്യു അഭിനയിക്കുന്ന ബോളിവുഡ് ചിത്രമാണ് ഡാര്ലിംഗ്സ്.