അംബേദ്കര് ഗ്രാമവികസന പദ്ധതിയുടെ ഭാഗമായി എറണാകുളം ജില്ലയില് നടക്കുന്ന വിവിധ പട്ടികജാതി കോളനികളുടെ നിര്മ്മാണ പ്രവര്ത്തനങ്ങള് ദ്രുതഗതിയില് പൂര്ത്തിയാക്കാന് ജില്ലാ വികസന കമ്മീഷണര് എ.ഷിബുവിന്റെ അധ്യക്ഷതയില് ചേര്ന്ന അംബേദ്കര് ഗ്രാമവികസന പദ്ധതി അവലോകന യോഗത്തില് തിരുമാനിച്ചു.
പദ്ധതിയുടെ ഭാഗമായി 2016-17 വര്ഷത്തില് ജില്ലയില് 25 കോളനികളുടെ നവീകരണ പ്രവര്ത്തനങ്ങളാണ് ഏറ്റെടുത്തത്. 21 കോളനികളിലെ പ്രവര്ത്തനങ്ങള് പൂര്ത്തിയായി. ശേഷിക്കുന്ന 3 കോളനികളിലെ പ്രവര്ത്തനങ്ങള് ഒരു മാസത്തിനുള്ളില് പൂര്ത്തീകരിക്കാന് നിര്വഹണ ഏജന്സികള്ക്കു നിര്ദേശം നല്കി.
2019-20 വര്ഷത്തില് 8 കോളനികളാണ് ഏറ്റെടുത്തത്. ഇതില് 2 പ്രവര്ത്തനങ്ങള് പൂര്ത്തിയായി. ശേഷിക്കുന്നവയുടെ ടെന്ഡര് നടപടികള് പുരോഗമിക്കുകയാണ്. 2020-21 വര്ഷം 3 കോളനികളുടെയും 2021-23 വര്ഷം 18 കോളനികളുടെയും നിര്മ്മാണമാണ് ഏറ്റെടുത്തിരിക്കുന്നത്. പ്രളയാനന്തര ഭവന നവീകരണ പ്രവര്ത്തനത്തിന്റെ ഭാഗമായി 2018-2019 വര്ഷം ഏറ്റെടുത്തതില് 5 കോളനികളുടെ നിര്മ്മാണം പൂര്ത്തിയായി. ശേഷിക്കുന്ന 4 പ്രവര്ത്തനങ്ങളുടെ ബില്ല് സമര്പ്പിക്കാന് നിര്ദേശം നല്കിയിട്ടുണ്ട്.