ജമ്മു: പൂഞ്ചില് ഭീകരര്ക്കായുള്ള തിരച്ചില് കൂടുതൽ ഊർജ്ജിതമാക്കിയിരിക്കുകയാണ് സുരക്ഷാ സേന. അതോടൊപ്പം പിടികിട്ടാപ്പുള്ളികളായ ഭീകരരെ പിടികൂടാനുള്ള നടപടികള് ശക്തമാക്കിയിരിക്കുകയാണ് സംയുക്ത സേന. ഇതിന്റെ ഭാഗമായി ജമ്മുകശ്മീരില് വ്യാപകമായി റെയ്ഡ് നടത്തും. അതേസമയം ജമ്മുകശ്മീരിലെ സുരക്ഷാ നടപടികള് വിലയിരുത്താന് ആഭ്യന്തര മന്ത്രി അമിത്ഷാ ഈ മാസം 23 മുതല് 25 വരെ ജമ്മുകശ്മീരില് സന്ദര്ശനം നടത്തും. സുരക്ഷാ വിലയിരുത്തല് യോഗങ്ങളില് പങ്കെടുക്കുന്ന അമിത്ഷാ (Amit Shah) വിവിധ സര്ക്കാര് ക്ഷേമ പദ്ധതികളുടെ ഉദ്ഘാടനവും നിര്വഹിക്കും.
ഭീകരവാദ അനുകൂല നിലപാട് സ്വീകരിക്കുന്ന സര്ക്കാര് ഉദ്യോഗസ്ഥരെ പിരിച്ചുവിടുന്നതിനൊപ്പം ദേശ വിരുദ്ധ കുറ്റകൃത്യ നിയന്ത്രണ നിയമമനുസരിച്ച് കേസെടുക്കും. ഭീകരവാദ അനുകൂല നിലപാട് സ്വീകരിക്കുന്ന ഉദ്യോഗസ്ഥരുടെ സ്വത്തുക്കള് കണ്ടുകെട്ടും.
കഴിഞ്ഞ മൂന്ന് ദിവസങ്ങളിലായി കശ്മീരിൽ ഭീകരക്കെതിരെ സൈന്യത്തിന്റെ വേട്ട തുടരുകയാണ്. ഷോപ്പിയാനില് നടന്ന ഏറ്റുമുട്ടലില് അഞ്ച് ഭീകരരെ സൈന്യം വധിച്ചിരുന്നു. ഭീകരരുമായുണ്ടായ ഏറ്റുമുട്ടലില് വീരമൃത്യു വരിച്ച മലയാളി ജവാന് വൈശാഖിന്റെ ഭൗതിക ശരീരം ഇന്ന് നാട്ടിലെത്തിക്കും. തിങ്കളാഴ്ച പുലര്ച്ചെയാണ് ജമ്മുകശ്മീരില് ഭീകരവാദികളുമായുണ്ടായ ഏറ്റുമുട്ടലില് വൈശാഖ് ഉള്പ്പെടെ അഞ്ച് സൈനികര് വീരമൃത്യു വരിച്ചത്. ഇന്ന് രാത്രിയോടെ തിരുവനന്തപുരം വിമാനത്താവളത്തിൽ ആകും ഭൗതികശരീരം എത്തിക്കുക. തുടർന്ന് വീട്ടിലേക്ക് കൊണ്ടുപോകും.
കുടവട്ടൂർ എൽപി സ്കൂളിൽ പൊതുദർശനത്തിന് വച്ചശേഷം കുടവട്ടൂരിലെ വീട്ടുവളപ്പിൽ ഔദ്യോഗിക ബഹുമതികളോടെ നാളെ സംസ്കാരം നടത്തും. 24 കാരന്റെ വേർപാട് അറിഞ്ഞ് നാടിന്റെ നാനാഭാഗത്ത് നിന്നും സുഹൃത്തുക്കളും അടുത്ത ബന്ധുക്കളും എത്തിക്കഴിഞ്ഞു. എന്നാൽ വൈശാഖ് നമ്മെ വിട്ടുപോയെന്ന് ആർക്കും വിശ്വസിക്കാനാവുന്നില്ല. മകന്റെ വേർപാടിൽ കണ്ണീരിലായ അമ്മ ബീനാകുമാരിയെയും സഹോദരി ശിൽപ്പയേയും ആശ്വസിപ്പിക്കാനാകാത്ത ദുഖത്തിലാണ് നാട്. മരിക്കുന്നതിന് മുൻപത്തെ ദിവസവും വൈശാഖ് അമ്മയുമായി ഫോണിൽ സംസാരിച്ചിരുന്നു. കഴിഞ്ഞ ഓണാവധിയ്ക്കാണ് വൈശാഖ് അവസാനമായി നാട്ടിൽ വന്നുപോയത്.
കാശി: പത്രികാ സമർപ്പണത്തിന്റെ അവസാന ദിനവും കടന്നുപോകുമ്പോൾ പ്രചാരണ ചൂടിലേക്ക് കടന്ന് വാരാണസി. പ്രധാനമന്ത്രി നരേന്ദ്രമോദിയുടെ മണ്ഡലം എന്ന നിലയിൽ…
തിരുവനന്തപുരം : കൊടുംചൂടിൽ വലഞ്ഞിരിക്കുന്ന ജനങ്ങൾ ഓരോ മാസവും വരുന്ന വൈദ്യുതി ബിൽ കണ്ട് അന്തം വിട്ടിരിക്കുകയാണ്. ആവശ്യമായ അളവിൽ…
കടം തീർക്കാൻ നെട്ടോട്ടം ഓടി ചൈന ഇനി പരീക്ഷണം ബുള്ളറ്റ് ട്രെയിനിൽ
ദില്ലി: ഭാരതത്തെ പുതിയ ഉയരങ്ങളിലേക്ക് എത്തിച്ച ശക്തനായ നേതാവാണ് പ്രധാനമന്ത്രി നരേന്ദ്രമോദി എന്ന് പ്രമുഖ പാക്-അമേരിക്കൻ വ്യവസായി സാജിദ് തരാർ.…
ലണ്ടൻ: ഇന്ത്യൻ വംശജയായ 66 കാരി ലണ്ടനിൽ കുത്തേറ്റു മരിച്ചു. ബസ് സ്റ്റോപ്പിൽ കാത്തുനിൽക്കുന്നതിനിടെയാണ് സ്ത്രീയ്ക്കുനേരെ ആക്രമണമുണ്ടായത്. സംഭവത്തിൽ 22…
നാമനിർദ്ദേശ പത്രിക സമർപ്പിച്ച സമയത്തിന് പിന്നിലെ കണിശതയ്ക്കുണ്ട് കാരണം....