ദില്ലി : അമേരിക്കയിൽ നിന്നുള്ള ദുരൂഹ സാമ്പത്തിക സഹായം ഏതൊക്കെ ഇന്ത്യൻ പത്രപ്രവർത്തകർക്ക് ലഭിക്കണമെന്ന് തീരുമാനിക്കുന്ന കമ്പനിയുടെ ഭാഗമാണ് കോൺഗ്രസ് ദേശീയ വക്താവ് പവൻ ഖേരയുടെ ഭാര്യ നീലിമ കോട്ടയെന്ന ഗുരുതര ആരോപണവുമായി സോഷ്യല്‍ മീഡിയ ആക്ടിവിസ്റ്റ് . ഉത്തരകാശി കേന്ദ്രീകരിച്ച് പ്രവര്‍ത്തിക്കുന്ന കണ്ണന്‍ വെങ്കിടകൃഷ്ണന്‍ എന്ന സോഷ്യല്‍ മീഡിയ ആക്ടിവിസ്റ്റാണ് ഫെയ്സ്ബുക്കില്‍ ഇക്കാര്യങ്ങള്‍ വിശദീകരിച്ചിരിക്കുന്നത്.
അന്താരാഷ്ട്ര തലത്തിൽ പ്രവർത്തിക്കുന്ന ചില പ്രമുഖ മാധ്യമ ഫെലോഷിപ്പുകളും ഫണ്ടിംഗ് ഏജൻസികളും ഇന്ത്യയിലെ തെരഞ്ഞെടുക്കപ്പെട്ട മാദ്ധ്യമപ്രവർത്തകർക്ക് സാമ്പത്തിക സഹായങ്ങൾ നൽകുന്നുണ്ടെന്ന തരത്തിലുള്ള വിവരങ്ങളാണ് പുറത്തുവരുന്നത്. അമേരിക്ക ആസ്ഥാനമായി പ്രവർത്തിക്കുന്ന ഇന്റർനാഷണൽ സെന്റർ ഫോർ ജേർണലിസ്റ്റ്സ് (ICFJ) പോലുള്ള സംഘടനകൾ ആഗോളതലത്തിൽ മാധ്യമപ്രവർത്തകർക്ക് ഫണ്ട് നൽകുന്നതിൽ പ്രധാന പങ്കുവഹിക്കുന്നുണ്ട്. ഇത്തരം സംഘടനകൾക്ക് പിന്നിൽ വൻകിട കോർപ്പറേറ്റുകളും അന്താരാഷ്ട്ര ഫൗണ്ടേഷനുകളും പ്രവർത്തിക്കുന്നുണ്ടെന്ന ആരോപണങ്ങളും ശക്തമാണ്. അമേരിക്ക ഉള്‍പ്പെടെയുള്ള പാശ്ചാത്യ രാജ്യങ്ങളുടെ നിയന്ത്രണത്തെ അംഗീകരിക്കാത്ത സര്‍ക്കാരുകളെ അട്ടിമറിക്കുന്നതിനുള്ള ആഖ്യാനങ്ങള്‍ സൃഷ്ടിക്കുകയാണ് ഇത്തരം സംഘടനകളുടെ ലക്ഷ്യം.
കണ്ണന്‍ വെങ്കിടകൃഷ്ണന്‍ പറയുന്നത് പ്രകാരം, വിദേശ ഫണ്ട് സ്വീകരിക്കുന്ന ഇന്ത്യൻ പത്രപ്രവർത്തകരുടെ തിരഞ്ഞെടുപ്പ് നിയന്ത്രിക്കുന്ന ദില്ലി ആസ്ഥാനമായുള്ള കമ്പനിയായ PROTO യെ നയിക്കുന്ന കോട്ട നീലിമ തെലങ്കാന കോൺഗ്രസിന്റെ വൈസ് പ്രസിഡന്‍റാണ്. ലോകമെമ്പാടുമുള്ള പത്രപ്രവർത്തകർക്ക് വിദേശ ധനസഹായം നൽകുന്ന ഒരു അമേരിക്കൻ സംഘടന ആയ ഇന്റർനാഷണൽ സെന്റർ ഫോർ ജേണലിസ്റ്റ്സ് (ICFJ) അംഗങ്ങൾ ചേര്‍ന്ന് 2018 ൽ സ്ഥാപിച്ചതാണ് PROTO എന്ന സംഘടന. ഏതാനും മാസങ്ങൾക്കുള്ളിൽ, PROTO ദക്ഷിണേഷ്യയിലെ ICFJ യുടെ പ്രധാന പങ്കാളിയായി.
സാമ്പത്തിക കണക്കുകൾ പ്രോട്ടോ എന്ന സംഘടനയുടെ പ്രവർത്തനത്തെക്കുറിച്ച് കൂടുതല്‍ വെളിപ്പെടുത്തല്‍ നടത്തുന്നു. 2023-ൽ ICFJ 11 ദശലക്ഷം ഡോളർ വരുമാനം രേഖപ്പെടുത്തി. പക്ഷെ 17.2 ദശലക്ഷം ഡോളർ ചെലവഴിച്ചു. ഈ സംഘടന പൂർണ്ണമായും അമേരിക്ക ഉള്‍പ്പെടെയുള്ള രാജ്യങ്ങളില്‍ നിന്നുള്ള ഫണ്ടിംഗിനെ ആശ്രയിച്ചിരിക്കുന്നു, ആ ഫണ്ട് അവരുടെ പ്രവര്‍ത്തനങ്ങള്‍ നടക്കുന്ന അതത് രാജ്യങ്ങളിലെ പ്രവർത്തകർക്ക് പണം അയയ്‌ക്കാൻ ഉപയോഗിക്കുന്നു.
ഗോൾഡ്മാൻ സാച്ച്സ്, ബ്ലൂംബെർഗ്, WSJ, പൊളിറ്റിക്കോ, ഏറ്റവും പ്രധാനമായി – OCCRP-യുമായി സഹകരിച്ച് പ്രവർത്തിക്കുന്ന യുഎസ് ഇൻസ്റ്റിറ്റ്യൂട്ട് ഫോർ ഡെമോക്രാറ്റിക് അഫയേഴ്‌സ്, ജോർജ്ജ് സോറോസിന്റെ ഓപ്പൺ സൊസൈറ്റി ഫൗണ്ടേഷൻ എന്നിവയാണ് ഐസിഎഫ് ജെയ്‌ക്ക് ഫണ്ട് നല്‍കുന്നത്. .
70 രാജ്യങ്ങളിൽ നിന്നുള്ള 200 പത്രപ്രവർത്തന സംഘടനകളെ ഒരുമിച്ച് കൊണ്ടുവരുന്ന ബെല്‍ജിയത്തിലെ ബ്രസ്സൽസിൽ സ്ഥിതി ചെയ്യുന്ന ഗ്ലോബൽ ഫോറം ഫോർ മീഡിയ ഡെവലപ്‌മെന്റുമായി (GFMD) ചേര്‍ന്ന് ICFJ പ്രവർത്തിക്കുന്നു. പാശ്ചാത്യ നിയന്ത്രണത്തെ എതിർക്കുന്ന സർക്കാരുകൾക്കെതിരെ ഏകീകൃത ലക്ഷ്യത്തോടെ ഈ ശ്രമങ്ങളെല്ലാം മുന്നോട്ട് പോകുന്നുവെന്ന് GFMD ഉറപ്പാക്കുന്നു.
GFMD യും ധനസഹായം നൽകുന്നത് നൈറ്റ് ഫൗണ്ടേഷൻ, ലുമിനേറ്റ് നീഡ് എന്നിവയ്‌ക്കാണ്. ഇവയില്‍ നീഡ് എന്നത് റഷ്യ, ചൈന തുടങ്ങിയെ നിരവധി രാജ്യങ്ങളിലെ ഭരണമാറ്റ പ്രചാരണങ്ങളെയും വിപ്ലവങ്ങളെയും പിന്തുണച്ചതിന് പുറത്താക്കപ്പെട്ട ഒരു അമേരിക്കൻ സർക്കാർ ഏജൻസിയാണ്.
കോൺഗ്രസ് ദേശീയ വക്താവ് പവൻ ഖേരയെ വിവാഹം കഴിച്ച കോട്ട നീലിമ, 2017 മുതൽ ഇന്ത്യയില്‍ വിപുലമായ ഒരു മാധ്യമ ശൃംഖല സ്ഥാപിച്ചു: ഇൻസ്റ്റിറ്റ്യൂട്ട് ഓഫ് പെർസെപ്ഷൻ സ്റ്റഡീസ്, റേറ്റ് ദി ഡിബേറ്റ്, ഹക്കു ഇനിഷ്യേറ്റീവ്, സ്റ്റുഡിയോഅഡ്ഡ എന്നിവ ഇതിന്റെ ഭാഗമാണ്. 2020-2025 കാലയളവിൽ അശുതോഷ് (മുമ്പ് എഎപി), പരഞ്ജയ് ഗുഹ തകുർത്ത (അദാനിയെ ലക്ഷ്യം വച്ചുള്ള വിദേശ ധനസഹായ റിപ്പോർട്ടുകൾ എഴുതിയ ജേണലിസ്റ്റ്) തുടങ്ങിയ 25-30 ബിജെപി വിരുദ്ധ പത്രപ്രവർത്തകർക്ക് കോട്ട നീലിമയുടെ മാധ്യമ പ്ലാറ്റ്‌ഫോമുകൾ ഇടം നൽകിയിട്ടുണ്ട്. വിദേശ ധനസഹായത്തിനായുള്ള അന്വേഷണത്തിന് മുമ്പുള്ള പ്രക്രിയയെ ഈ പത്രപ്രവർത്തകർ സ്വാധീനിക്കാൻ സാധ്യതയുണ്ട്.
ഇനിയാണ് കൂടുതൽ പ്രശ്‌നകരമായ കാര്യം – പ്രോട്ടോയുടെ സ്ഥാപകനായ നാസര്‍ ഉള്‍ ഹാദി ദക്ഷിണേഷ്യയിലേക്കുള്ള അവരുടെ പത്രപ്രവർത്തകരെ തിരഞ്ഞെടുക്കുന്നത് നിയന്ത്രിക്കുന്നു, അതേസമയം അയാളുടെ സഹോദരന്‍ സൈഫ് ഉള്‍ ഹാദി ജമാഅത്തെ-ഇ-ഇസ്ലാമി ഹിന്ദിനൊപ്പം വിഷൻ 2040 പദ്ധതിയിൽ പ്രവർത്തിക്കുന്നു, കൂടാതെ അക്രമാസക്തമായ സി‌എ‌എ പ്രതിഷേധങ്ങളിലും പങ്കെടുത്തിട്ടുണ്ട്. .
ജമാഅത്തെ-ഇസ്ലാമിയുമായി ബന്ധപ്പെട്ട ഇന്ത്യൻ ഇസ്ലാമിക് സ്റ്റഡീസ് ഇൻസ്റ്റിറ്റ്യൂട്ടിൽ സൈഫ് ഉൽ ഹാദി പഠിപ്പിക്കുന്നു. വിഷൻ 2040 ൽ അദ്ദേഹം ഇന്നൊവേഷൻ ലാബ് എന്ന ആശയം വികസിപ്പിച്ചെടുത്തു, അത് നടത്തുന്നു. വിദേശ ധനസഹായത്തോടെ പ്രവർത്തിക്കുന്ന ഈ മാധ്യമ പ്രവർത്തനം ഇന്ത്യയിലെ ഇസ്ലാമിക രാഷ്ട്രീയ സംഘടനയുമായി നേരിട്ട് ബന്ധപ്പെട്ടിരിക്കുന്നു.
ചുമതലകളുടെ വിഭജനം മനഃപൂർവമാണ് – നാസർ ഉള്‍ ഹാദി തിരഞ്ഞെടുത്ത പത്രപ്രവർത്തകർക്ക് വിദേശ ധനസഹായം നൽകുന്നു. സെയ്ഫ് ഉള്‍ ഹാദി അടിസ്ഥാന തലത്തിൽ ഇസ്ലാമിക ആക്ടിവിസം സംഘടിപ്പിക്കുന്നു. കോണ്‍ഗ്രസ് പാര്‍ട്ടി നേതാവായ കോട്ട നീലിമ ഈ പത്രപ്രവർത്തകരുടെ പ്രീ-അന്വേഷണത്തിനും പരിശീലനത്തിനുമുള്ള അടിസ്ഥാന ചട്ടക്കൂട് നല്‍കുന്നു.
2020 ജൂലൈ മുതൽ 2024 ഡിസംബർ വരെ, ഐസിഎഫ്ജെ ഇന്ത്യയിൽ മോദി വിരുദ്ധ ആഖ്യാനങ്ങളോടു കൂടിയ നിരവധി ആഖ്യാനങ്ങള്‍ (നേരേറ്റീവുകള്‍) പ്രസിദ്ധീകരിച്ചു. ന്യൂനപക്ഷ പീഡനം, വിദ്വേഷ പ്രസംഗം, ഏകപക്ഷീയമായ നീതിന്യായ വ്യവസ്ഥ, സി‌എ‌എ വിവേചനം, മോദി സർക്കാരിനു കീഴിൽ മുസ്ലീം മതകേന്ദ്രങ്ങൾ നീക്കം ചെയ്യൽ തുടങ്ങിയ വിഷയങ്ങളിലാണ് ഓരോ വാർത്തയും ശ്രദ്ധ കേന്ദ്രീകരിച്ചത്.
